Biblia Todo Logo
Bib sou entènèt

- Piblisite -




Salmos 146:9 - Biblia Enxet

9 eltaqmelcheshok chá'a Wesse' egegkok ma'a énxet'ák apkeleñama nak mók nekha, epasmok chá'a m'a élyeyheykha nak, tén han xentampe'e nak, yetsagkasseshok eyke chá'a ámay apagkok ma'a élmasagcha'a nak apkeltémakxa.

Gade chapit la Kopi




Salmos 146:9
22 Referans Kwoze  

Dios, aphama nak cha'a m'a tegma appagkanamap apagkok, cha'a apteme chá'a apyapmeyk ma'a apkelyéheykha nak, tén han apkeltaqmelchesso m'a xentampe'e nak.


Elheyásekxak chá'a néten Wesse' egegkok ma'a meyke nak éleymáxkoho apkelwáxok, elyaqhápenták eyke chá'a náxop ma'a élmasagcha'a nak apkeltémakxa.


Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.


‘Henegkenchásekxa ko'o xa apkelyeheykha kélagkok nak, ko'o sa' altaqmelchesek. Tásek mehey'ássemek ko'o m'a xentampe'e apagkok nak.’”


Epalchessesek chá'a apxanák Wesse' egegkok ma'a énxet éleymáxkoho nak chá'a apkelwáxok, megyohók eyke chá'a kólmenyexchesek xapop agkok ma'a kelán'a tampe'.


Kayáqtéshok eyke exma ámay apagkok ma'a énxet'ák élmasagcha'a nak apkeltémakxa'; ¡melya'asagkehek chá'a m'a ektáha enxoho élpelápagkasso!


Eltaqmelcheshok chá'a Wesse' egegkok ma'a ektáha nak chá'a apkelásekhayo, emasséssamhok eyke chá'a m'a élmasagcha'a nak apkeltémakxa.


Mopwanchek negko'o hẽlwagkasek teyp ma'a Asiria, mogwanchek nahan ólxeganmok ólchántek yátnáxeg. Kamaskok sa' kaxwók óltéhek negko'o ‘Dios egagkok’ ma'a aqsok nenlánéyak egagko' nak, hakte xép apwánxa apagkok kóteyágwók ekmayósa kóllanok ma'a élyeheykha nak, xép Wesse'.”


exekmóshok eyke chá'a exchep apteme eyáxñeyo aptémakxa m'a énxet eyáxñeyo nak aptémakxa, ey'asagkohok eyke chá'a exchep aptémakxa m'a énxet apmopwána nak appeywa elának pók.


Xama axta ekweykekxo aphakxa wesse' apwányam ma'a Ester, apchásennakkek axta aptáxésso apkeltamho kápekxak Amán ma'a ekyókxoho aqsok ekmaso ekxeyenma axta apwáxok etnéssesek ma'a judíos. Kélmakheyáseykha axta néten yámet ma'a Amán yetlo apketchek.


Kélmakheyáseyha axta Amán ma'a néten yámet élwenaqte nak apkeltémo axta kóllanaksek yaqwayam kólmakhésha m'a Mardoqueo. Tén axta ekmassa aplo m'a wesse' apwányam.


Tén axta m'a aptáwa' ektáha eyáneya s'e tén han ma'a apyókxoho apkelxegexma'a: —Yána sa' kólánchessesek yámet élwenaqte yetlo ektegyésso néten, ekweykmoho veintidós metros ekwenaqte ekmahéyak ma'a néten, tén sa' saka axto'o agko' elmaxnak wesse' apwányam kólmakhésha néten ma'a Mardoqueo. Keñe sa' apwanchek emhagkok yetlo meyke ektáhakxa apwáxok yetlo wesse' apwányam ma'a élánéxchexa nak ektámaxche ekyawe. Leyawók axta apwáxok Amán xa amya'a nak, apkeltamhók axta kalanaxchek ma'a yámet élwenaqte.


Xama axta apwet'a Ahitófel megkalánexko m'a aqsok apmáheyo elána', apkeltahanchessek axta yámelyeheykok apchánte, keñe apmeyákxo apxagkok apkeñémekxa axta, xama axta appenchesa apkeláneykekxa m'a ekyókxoho aqsok apagkok axta, aptetchek axta apyespok táma'. Apketsekkek axta, keñe kélátawanya m'a kélátawanyamakxa axta apyáp.


Xama axta kéltennásencha'a David appasmeykekxo Ahitófel ma'a Absalón yaqwayam etnéssessamhok exma ekmaso, appaqhetchessek axta Wesse' egegkok ma'a David, apkeltamho metekkessesek yaqwánxa etnehek ma'a Ahitófel.


Kóllának sa' kélessawassamo nápaqtók Dios Wesse' kélagkok ma'a apkelyéságkaxa sa' ekyetnamakxa m'a apwesey, yetlo m'a kélketchek tén han ma'a kélásenneykha naqsa nak, tén han yetlo m'a levitas, tén han ma'a énxet'ák apkeleñama nak mók apkelókxa, tén han ma'a élyeheykha nak tén han ma'a xentampe'e ekheykha nak ma'a kañe' kélheykegkaxa.


Apweteyak xép ma'a apkeltémakxa ekmaso senlókassamo nak anlano'; ¡apweteyak xép, etnéssesek sa' han ma'a ekpayhawo nak etnéssesek! Apkelyexánegweykmek xép ma'a meyke nak élmasma; xép appasmo chá'a m'a élyéheykha nak.


Swiv nou:

Piblisite


Piblisite