Salmos 146:7 - Biblia Enxet

⁷ Elánekxések chá'a apheykha m'a kélnaqtawáseykegkoho nak, elagkok nahan chá'a aptéyak ma'a meyk át'ák nak. Elántekkesek chá'a Wesse' egegkok ma'a apkelmomap nak;

Salmos 146:7 Referans Kwoze

Salmos 103:6

Elyekpelkohok chá'a Wesse' egegkok yetlo ekmámnaqsoho apkelánéseykekxa apheykha m'a kélnaqtawáseykegkoho nak chá'a.

Salmos 68:6

Egkések chá'a aphamakxa Dios ma'a aptaqmópeyak nak chá'a, elántekkesek chá'a m'a apkelmomap nak, egkeyásekxa chá'a ektaqmalma apheykha; exmakha sa' eyke chá'a xapop ekmaso nak ma'a élmasagcha'a nak apkeltémakxa.

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Salmos 142:7

Hemallahanches ko'o seklegeykegkoho, yaqwayam enxoho ko'o alpeykeshok xép. Hewakhegwaták sa' ko'o m'a meyke nak apkeltémakxa', ektaqmela sa' setnéssesakxa exchep.

Malaquías 3:5

Aptáhak Wesse' egegkok ekha apyennaqte s'e: “Awaták sa' ko'o yaqwayam alyekpelchágwatámhok kéxegke. Keytlawhok sa' ko'o sélxéncháseykekxoho apkeltémakxa m'a aptamhéyak nak chá'a apkelyohóxma, tén han ma'a apnaqtawáseykegkoho nak chá'a apnaqteyegka'a apkelane chá'a mók, tén han ma'a eyaqhémo nak chá'a etnéssesek ekmámnaqsoho apkelpeywa, tén han ma'a apnaqtawáseykegkoho nak chá'a énxet'ák ekha nak apkeltamheykha, tén han ma'a xentampe'e nak, tén han ma'a élyéheykha nak, tén han meltaqmelchesso nak ma'a apkeleñama nak mók apkelókxa, tén han ma'a meheyáyo nak chá'a.

Jeremías 31:14

Alagkok sa' ko'o nento éltaqmalma agko' ma'a apkelmaxnéssesso nak énxet'ák ahagkok, keñe sa' énxet'ák ahagkok kayeykhágwomhok ma'a aqsok ahagkok ekxámokma nak. Ko'o sekxeyenma xa, sektáha nak Wesse'.”

Isaías 9:4

Hakte apmasséssekmek xép ma'a ektémakxa nak sẽlásenneykha naqsa apkelhamakpo nak ma'a énxet'ák, tén han ma'a kélnaqtawáseykegkoho élyaqhakkáseykencha'a nak apkelwáxok, tén han ma'a apkemha apmonye' apkelhaya nak chá'a. Máxa entáhak ma'a ektáhakxa axta apmasséssekmo m'a Madián.

Salmos 136:25

Apkeleykegkoho nak chá'a aptéyak énxet'ák, tén han aqsok kélnaqtósso, hakte megkamassegwomek chá'a segásekhayo.

Salmos 72:4

¡Elánekxések sa' chá'a apheykha wesse' apwányam ma'a meyke nak aqsok apagkok! ¡Epasmok sa' chá'a m'a apketchek nak énxet'ák ekhakxa nak chá'a eyeyméxchexa aqsok, kóneg sa' etnessásekxak ma'a apnaqtawáseykegkoho nak chá'a!

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 9:16

Apkeltennásamákpek aptémakxa m'a Wesse' egegkok: ¡apkelánekxésso chá'a apheykha énxet'ák ekpéwomo aptémakxa! Kalmekxohok chá'a agkok kelhanma apnegkenéyak ma'a élmasagcha'a nak apkeltémakxa.

Salmos 35:10

Sa' atnehek apaqmétek ekweykmoho kañók agko' ewáxok se'e: “Wesse', méko ekhawo exchep. Apkelwagkassegkek xép teyp énxet'ák apkelmopyóseka apkelmoma m'a énxet'ák apkelyennaqte nak, apkelwagkassegkek xép teyp énxet'ák meyke nak aqsok apagkok apkelmoma m'a apnaqtawáseykegkoho nak chá'a.”

Salmos 68:7

Oh Dios, xama axta apxegama exchep apmonye'e m'a énxet'ák apagkok, apyeykheykekxo m'a yókxexma meykexa nak aqsok,