Salmos 143:2 - Biblia Enxet

² Ná hékpelkoho aqsa ko'o hélyetsetchásekxak sektémakxa, ko'o sektáha nak apkeláneykha, hakte méko nápaqtók xép ma'a meyke nak ektémakxa.

Salmos 143:2 Referans Kwoze

Eclesiastés 7:20

Méko xama énxet appéwomo apagko' keso náxop, meyétekkesseyam nak chá'a apkelane aqsok ektaqmela, tén han melane nak mey'assáxma.

Job 25:4

¿Apwancheya énxet etnehek appéwomo tén han meyke aptémakxa nápaqtók Dios?

Salmos 130:3

Wesse', apkelyetsátegkek agkok xép nentémakxa mólya'assáxma, ¡méko awanchek kagketaxche'!

Job 14:3

¿Keya apkeláneykencha'a nak chá'a exchep xa aptéma nak énxet, tén han apmáheyo nak chá'a ékpelkohok aptémakxa?

Job 15:14

Méko xama énxet eyáxñeyo aptémakxa, tén han ekpéwomo aptémakxa'.

Job 4:17

“¿Apwancheya énxet etnehek appéwomo nápaqtók Dios? ¿Apwancheya etnehek eyáxñeyo aptémakxa nápaqtók ma'a ektáha axta apkelane?

1 Reyes 8:46

“Apkelánegkek sa' agkok han melya'assáxma yenmexek xép, hakte méko xama énxet enxoho melánekxa mey'assáxma, keñe apkeltaqnaweygko enxoho exchep elmések ma'a katnaha nak apnámakkok yaqwayam enxoho elmok, keñe enaqlakxak ma'a mók apkelókxa, cham'a makhawo' nak essenhan ma'a keto' nak,

Éxodo 34:7

Megkeytyapwágwayam nak sélásekhayo m'a apyókxoho énxet, tén han mayaqmagkáseykekxa nak apkeltémakxa ekmaso, tén han sélenmexeykha, tén han megkólya'assáxma; magwohok eyke aqsa chá'a eweynchamha meyke seklegassáseykegkoho m'a énxet ektáha enxoho chá'a apsexnánémap, allegássesagkohok chá'a eñama apkeltémakxa élmasagcha'a m'a apyapmeyk apketchek tén han ma'a aptawán'ák nak, ekweykekxoho m'a apketchek aptawán'ák nak.