Salmos 142:7 - Biblia Enxet

⁷ Hemallahanches ko'o seklegeykegkoho, yaqwayam enxoho ko'o alpeykeshok xép. Hewakhegwaták sa' ko'o m'a meyke nak apkeltémakxa', ektaqmela sa' setnéssesakxa exchep.

Salmos 142:7 Referans Kwoze

Salmos 143:11

Wesse', ¡yána aweynchamha chá'a! ekhawo apxeyenmakxa axta hetnéssesek, ¡hemallahanches ko'o ekmaso sekha! hakte appéwomo exchep.

Salmos 146:7

Elánekxések chá'a apheykha m'a kélnaqtawáseykegkoho nak, elagkok nahan chá'a aptéyak ma'a meyk át'ák nak. Elántekkesek chá'a Wesse' egegkok ma'a apkelmomap nak;

Salmos 13:6

¡Anneykmássesek sa' ko'o Wesse' egegkok, eñama ektaqmalma setnéssesakxa'!

Isaías 61:1

Wesse' egegkok espíritu apagkok ko'o sekxegexma, hakte epagkanchek axta ko'o m'a Wesse' egegkok; eyáphássek axta asókasek amya'a ektaqmela m'a énxet'ák meyke nak aqsok apagkok, eyáphássek axta amasséssesek élyaqhápeykha apkelwáxok ma'a énxet'ák élyaqhápeykha nak apkelwáxok, eyáphássek axta allegaksek peya kólchexeykxak ma'a apkelmomap nak, tén han peya kólántekkesek ma'a apheykha nak kañe' negmomaxchexa;

Salmos 9:14

Keñe sa' atnehek alának apyókxoho énxet neyseksa sénmeykha m'a atña'ák nak Jerusalén, payhawók xép kólteméssesek apcheymákpoho, axének sa' ekpayhékxo ewáxok hakte ewagkassek teyp xép.

Salmos 142:1

Ekyennaqtésawók ko'o sekpeywa sekwóneyncha'a Wesse' egegkok, ekyennaqtésawók sekpeywa séltamho kapyóshok hélano'.

Salmos 119:17

¡Kataqmalmakha chá'a ko'o apwáxok hélano', ko'o sektáha xép apkeláneykha! ¡Alyahakxohok sa' chá'a ko'o appeywa!

Salmos 116:7

Méko kaxwók ektáhakxa ewáxok, hakte taqmeleykha apwáxok sélányo m'a Wesse' egegkok,

Salmos 119:74

Kalpayhekxak sa' apkelwáxok sét'a enxoho m'a apcháyo nak chá'a exchep, hakte may'ásseykmok ko'o m'a appeywa nak xép.

Salmos 34:2

Awanhek ko'o eyaqheykha ewáxok Wesse' egegkok eñama m'a aqsok apkelane; ¡kóleyxho, énxet'ák apkelmopyósa nak, kalpayhekxa kélwáxok!

Salmos 31:8

meltémók hemok ma'a sélenmexma nak; ¡etnegkesseykmek ma'a ekyawakxa nak exma'!

Salmos 9:3

Yenyahagkok chá'a exchep apmonye'e m'a sélenmexma nak, elyaqnenagkok chá'a keñe eletsapok.

Salmos 38:20

Ekmaso chá'a apyaqmagkáseykekxak sekteméssessamakxa ektaqmela; élenmexeykekxeyk chá'a ko'o eñama séltémo alának aqsok ektaqmela.

Salmos 143:9

Wesse', hewagkas ko'o teyp, neyseksa apmáheyo hemok sélenmexma, hakte ekye'eykekteyk ko'o exchep sektegyeykencha'a sekyexanmomakxa'.