Salmos 14:4 - Biblia Enxet

⁴ Máxa meyke apkelya'áseyak aqsok aptamheykegkok ma'a élmasagcha'a nak apkeltémakxa, máxa apteméssessók énxet'ák ahagkok ma'a énxet aptól'a pán, melmaxnagko nak chá'a m'a Wesse' egegkok.

Salmos 14:4 Referans Kwoze

Salmos 79:6

¡Eyenyenta aplo neyseksa apchókxa m'a melpeykessamo nak chá'a exchep, mey'áseykegko nak xép, tén han mewóneykencha'a nak chá'a.

Jeremías 10:25

Eyke eyenyenta aplo nepyeseksa m'a énxet'ák melya'ásegko nak xép, cham'a énxet'ák mewóneykha nak chá'a exchep, hakte apkelnapmeyk ma'a Jacob nak énxet'ák apagkok, apmassésseykmek apyókxoho, ekmaso aptemessáseykekxak ma'a apchókxa.

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.

Salmos 82:5

“Makke kólya'ásegkok kéxegke, megkólyekpelcheyk nahan; kélweynchámeykha aqsa ekyáqtésakxa exma. Yawheykha m'a awhak nak xapop.

Amós 8:4

Kóleyxho s'e, kéxegke kélnaqtawáseykegkoho nak chá'a m'a apkelmopyóseka nak, tén han kéltawassáseykha nak chá'a apheykha m'a meyke nak aqsok apagkok ma'a kélókxa;

Salmos 27:2

Apchaqnákxeyk agkok yaqwayam hektámegmak ma'a élmasagcha'a nak apkeltémakxa, sélenmexma nak, tén han apmako enxoho hemasséssók, elpelapmok sa' apagkok elyaqnenagkok ma'a.

Oseas 7:7

Apkeláléwomchek ma'a, máxa m'a táxa axagkok la'a, apkelwatnegkek ma'a apkelwesse'e apagkok nak. Apsawhomákpók aptekyóma m'a apkelwesse'e apkelwányam apagkok, méko m'a xama enxoho sewóneykha yaqwayam yának apasmok.

Isaías 45:20

“Kólaqnekxa', kólchexyem, kólchaqnágwatámho kélyókxoho s'e énxet'ák kéleymomáxche nak megkóletsapma. Melya'áseyak aqsok ma'a apkelseykha nak chá'a aqsok kéleykmássesso apagkok yántéseksek tén han apkelpaqhetchesso nak chá'a m'a aqsok kéláyókxa megkamowána nak hegwagkasek teyp.

Isaías 29:14

Ékeso éñamakxa peya nak ko'o atekkessesek makham aqsok magya'áseyak sempelakkasso nak agwetak nepyeseksa xa énxet'ák nak. Kamassegwók sa' ma'a ektémakxa nak apkelya'áseyak aqsok ma'a énxet'ák apagkok ekha nak apkelya'áseyak tén han ma'a ektémakxa nak ekha apkelmopwancha'a m'a énxet'ák apagkok ekha nak apkelmopwancha'a.”

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Job 27:10

Hakte méteyágweykmok ekpayheykekxa apwáxok apyetleykencha'a m'a ekha nak Apyennaqte, melmaxnagkók han chá'a eltamhok epasmok.

Isaías 5:13

Kólnaqlakxak sa' megkatnahakxa nak apkelókxa m'a énxet'ák ahagkok, eñama megkalyaqwáméyak elya'asagkoho'. Eletsapok sa' meyk tén han hem át'ák ma'a apyókxoho énxet, ekweykekxoho m'a apkelámha apmonye'e apagkok.

Job 21:15

¿Yaqsa m'a ekha nak Apyennaqte, yaqwayam enxoho negko'o ólpeykesho'? Méko aqsok negko'o hegwetaksek ólmaxnak nápaqto' ma'a.”

Proverbios 30:14

Yetneyk énxet ekho nak sókwenaqte m'a apma'ák nak, tén han sawo m'a awhók apma'ák nak, yaqwayam emasséssók ma'a ekha nak chá'a eyeyméxchexa aqsok ma'a aphágkaxa, tén han ma'a meyke nak aqsok apagkok.

Isaías 64:6

Neghémók negko'o negyókxoho m'a énxet ekmanyásal'a apyempe'ék, máxa apáwa aphápak apmanyásal'a m'a ekyókxoho aqsok éltaqmalma nak chá'a nenlánéyak; nempalleykmek negko'o negyókxoho, ektémól'a m'a yámet áwa' élyamayél'a, máxa éxchahayam entemék sẽlchampassama m'a nentémakxa élmasagcha'a agko' nak.