Salmos 14:2 - Biblia Enxet

² Apkeláneykha chá'a Wesse' egegkok énxet'ák ma'a aphakxa nak néten, yaqwayam enxoho éta', yetneyk kexa énxet apya'áseykegkoho aqsok, apketamso nak chá'a Dios.

Salmos 14:2 Referans Kwoze

Génesis 6:12

Apyókxoho énxet'ák axta apnaqtawásamákpok. Xama axta apwet'a Dios ekyágwokmoho ekmaso nentémakxa keso náxop,

Daniel 12:10

Apxámok sa' énxet ellegagkohok xa nenlegeykegkoho ekxénáxko nak, elmallánek sa' yetlo kélaxñassáseykekxa apyempe'ék, tén han kélmópessáseykekxa'. Keñe sa' ma'a élmasagcha'a nak apkeltémakxa, elanagkok sa' aqsa makham apkeltémakxa élmasagcha'a, meyke apkelya'áseyak ektáhakxa', keñe sa' ma'a énxet'ák apkelyekpelchémo nak aqsok, elya'asagkohok sa'.

2 Crónicas 19:3

Yetneyk eyke han mók aqsok ektaqmela ekwetamaxche apkelane exchep, hakte apmasséssekmek axta m'a kéleykmássesso nak Aserá, ekhéyak axta s'e negókxa nak, xeyenmeyk axta apwáxok ektamok ma'a Dios.”

Proverbios 9:16

“¡Kólmeyógma s'e wokma'ák melya'áseyak nak aqsok!” Katnehek nahan chá'a kalának ma'a énxet'ák megkalchetámeykha nak chá'a apkelwáxok:

Salmos 82:5

“Makke kólya'ásegkok kéxegke, megkólyekpelcheyk nahan; kélweynchámeykha aqsa ekyáqtésakxa exma. Yawheykha m'a awhak nak xapop.

Isaías 63:15

Wesse', yenmexentámho aphamakxa nak néten, cham'a aphamakxa ekpagkanamaxchexa eyeymáxkoho nak. ¿Háxko ekmahágkaxa m'a segásekhayo ekyawe axta tén han apyennaqte? ¿Háxko ekmahágkaxa m'a ekyetnakhassamo nak apwáxok negko'o? ¿Masseya nélmayóseka senlano negko'o?

Jeremías 4:22

“Élyeyháxma m'a énxet'ák ahagkok, mehey'ásegkok nahan —axta aptáhak Wesse' egegkok—. Kélketchek melya'áseyak aqsok, megkalchetámeykha nak apkelwáxok. Apwancha'ak elanagkok ma'a aqsok ekmaso, keñe mopwancha'ak elanagkok ma'a aqsok ektaqmela.”

Isaías 55:6

“Kólchetam Wesse' egegkok kélewagkexa nak makham kólwetekxa', kólwónmakha apha nak makham keto'.

Isaías 27:11

Kalekkexaxchek chá'a aktegák xama yámet ekyawe élyamaka enxoho; keñe chá'a kelán'a kalmok katnehek táxa agkok. Énxet meyke apkelya'áséyak aqsok xa. Ékeso éñamakxa peya sa' megkalepyósek elanok ma'a ektáha axta Apkelane.

Isaías 8:19

Megkatnehek sa' metne elának kéxegke énxet'ák se'e: “Kólpaqhetchesaxkoho m'a apkelhagák axta énxet'ák apkeletsapma tén han apkelyohóxma apkelyexchásamákpoho nak chá'a elpaqmétek, melyennaqtésso nak chá'a apkelpeywa. ¡Apyókxoho énxet chá'a elpaqhetchesakpohok ma'a aqsok apcháyókxa tén han elmaxnéssesek chá'a eyeyméxchexa etnahagkok énxet'ák apkeletsapma m'a énxet'ák meletsapma nak

Proverbios 8:5

Kéxegke wokma'ák, meyke nak kélya'áseyak aqsok tén han ma'a élyeyháxma nak, ¡kóltámesaxche kélteme ekha ekxeyenma kélwáxok tén han kélya'áseykegkoho aqsok!

Proverbios 2:9

Ey'ásegwók sa' ma'a ekpayhawo nak antéhek tén han ma'a aqsok ekpéwomo nak, elának sa' nahan ma'a ekyókxoho aqsok éltaqmela nak,

Salmos 92:6

¡Wánxa aqsa melya'asagkehek ma'a élyeyháxma nak!

Lamentaciones 3:50

ekwokmoho senlano Wesse' egegkok apha nak néten, cham'a aphamakxa nak.

Proverbios 9:4

“¡Kólmeyógma s'e wokma'ák melya'áseyak nak aqsok!” Keláphássek axta han éltamho katnehek kalának ma'a énxet'ák élyeyháxma nak:

Salmos 107:43

Énxet apya'áseykegkoho nak aqsok, kéméxcheyk ey'asagkohok xa, tén han ey'asagkohok segásekhayo m'a Wesse' egegkok.

Génesis 18:21

ekmahágkek ko'o kaxwók ma'a, yaqwayam alano', naqsók kexa ekyawe agko' apkeltémakxa ekmaso, séltennassama nak chá'a ko'o. Tén sa' ay'asagkoho'.

Génesis 11:5

Apweywenteyk axta Wesse' egegkok apkelano tegma apwányam, tén han tegma néten apwenaqte, apkeláneygko axta m'a énxet'ák nak.

Isaías 64:1

Egmenye nak la'a negko'o elyeptek néten, keñe eweywenták kalpexyennók nápaqtók ma'a meteymog élekhahéyak nak,

Salmos 69:32

Kalpayhekxak sa' apkelwáxok apkellegeykegkoho nak ekmaso apheykha apkelwet'a enxoho xa, kalyennákxohok sa' apkelwáxok apkelchetamso nak chá'a Dios;

2 Crónicas 30:19

oh Wesse', Dios apagkok nak xa énxet'ák nak, elásekhekxoho neyseksa eykhe melmópeyáseykekxa apyempe'ék, ekhawo éltémókxa nak antéhek segánamakxa m'a tegma appagkanamap.”

Job 15:14

Méko xama énxet eyáxñeyo aptémakxa, tén han ekpéwomo aptémakxa'.

Salmos 11:4

Apheyk Wesse' egegkok ma'a tegma appagkanamap apagkok aptaqmalma nak. Appekkenmeyk aphamakxa Wesse' egegkok ma'a néten nak, apsawheykha exma apkeláneykencha'a ektémakxa apkelweynchámeykha énxet'ák.

Jeremías 5:1

Aptáhak Wesse' egegkok se'e: “Kólweynchamha sa' ma'a ámay nak Jerusalén, kóltaqmelchesho sa' kéllányo, kólchetam sa' ma'a apheykegkaxa nak chá'a énxet elweynchamha, kólwetak sa' kexaha énxet apkelane nak chá'a aqsok ekpéwomo, apmopmenyého nak chá'a etnehek ekmámnaqsoho apxeyenma aqsok. Kélwet'ak sa' agkok ma'a, mayaqmagkásekxeyk sa' ko'o ektémakxa m'a Jerusalén.