Salmos 139:2 - Biblia Enxet

² apya'ásegkok xép ekyókxoho aqsok sélane; makhawók eykhe aphakxa, ey'asagkohok eyke chá'a ektémakxa élchetamso ewáxok.

Salmos 139:2 Referans Kwoze

2 Reyes 19:27

Ekya'ásegkók ko'o ekyókxoho m'a ektémakxa nak chá'a apweynchámeykha tén han ma'a aptémakxa nak chá'a; ekya'ásegkók ko'o setaqnagkama exchep.

Salmos 94:11

Apya'ásegkok Wesse' egegkok, énxet wánxa ekxéneykha apwáxok ma'a aqsok mékoho.

Isaías 37:28

Ekya'ásegkók ko'o ekyókxoho m'a ektémakxa nak chá'a apweynchámeykha tén han ma'a aptémakxa nak chá'a; Ekya'ásegkók ko'o setaqnagkama exchep.

Proverbios 15:3

Apkeláneykha Wesse' egegkok ekyókxoho keso náxop, elanha chá'a m'a énxet'ák éltaqmalma nak apkeltémakxa', tén han ma'a élmasagcha'a nak apkeltémakxa'.

Zacarías 4:10

“Kalpayhekxak sa' kaxwók apkelwáxok apkelwet'a enxoho appenchesa aptamheykha Zorobabel ma'a metnéssesso axta naqsók ma'a sekxók axta eyeynókxa apkelane aptamheykha.” Tén axta aptáha makham Dios apchásenneykha s'e: “Cháxa siete cháléwasso étkók nak ekteme Wesse' egegkok apaqta'ák, eksawheykekxoho nak apkelányo s'e ekyókxoho nak keso náxop.”

Salmos 56:8

Apya'ásegkok xép sélyexanmeykencha'a; apkelyetsáteykegkek xép ekwánxa ahaqta'ák égmen'ák. ¿Ya etáxéssók xép weykcha'áhak apagkok xa?

2 Reyes 6:12

Keñe axta xama aptáha apchátegmowágko: —Wesse', méko neykhe. Eliseo eyke apkeltennasso chá'a wesse' apwányam nak Israel, apteme nak Dios appeywa aplegasso m'a Israel, cham'a ekyókxoho aptémakxa nak chá'a exchep apyexamakpoho appaqméteykha m'a apteyenmakxa nak.

Génesis 16:13

Teméssessegkek axta apwesey Agar, “Dios segwetayo”, hakte appaqhetchessegkek axta Wesse' egegkok. Axta temék awáxok se'e: “Éteyak ko'o Dios, makke watsapak makham.”

Ezequiel 38:17

“Ektáhak ko'o sekpeywa s'e, sektáha nak Wesse': Xép axta sekxeyenma axta chá'a m'a nanók axta, sekxeyenma axta eñama m'a séláneykha apkellegasso nak sekpeywa m'a Israel; apkelxeyenmeyk axta chá'a sekxeyenma ko'o wának exegmak xép se'e ekhem nak, yaqwayam ektámegmak ma'a Israel.”

Deuteronomio 31:21

Cháhapwa'ak sa' agkok ekxámokma m'a aqsok ekmaso tén han ma'a ekyentaxnamo nak egwáxok, keñe sa' se'e negmeneykmasso nak katnehek sa' chá'a éltennasso aptamheykegkaxa xa énxet'ák nak, hakte kalxénwakxohok sa' chá'a apkelwáxok ma'a aptawán'ák neptámen nak tén sa' elmeneykmaksek chá'a; hakte cham'a sekxók axta sekmáheyo alántaxnések ma'a apchókxa séltennassamakxa axta agkések, ekya'áseykegkók axta élxéneykegkaxa apkelwáxok elanagkok.”

Salmos 44:22

Ketók eyke chá'a negko'o nentekyómakxa eñama negyetleykha exchep; máxa ẽlteméssessók ma'a nepkések kélnaqleykekxal'a aptekyómakxa.

Ezequiel 11:5

Apweywenteyk axta ko'o tekhéxet Wesse' egegkok espíritu apagkok, tén axta apkeltamho atnehek sekpeywa s'e: “Keso aptáhakxa exchek Wesse' egegkok se'e: ‘Cháxa ekxeyenma nak chá'a kélwáxok kéxegke kóltéhek xa, israelitas. Ekya'ásegkók ko'o ektémakxa élchetamso kélwáxok.