Salmos 139:19 - Biblia Enxet

¹⁹ Oh Dios, elnáhap élmasagcha'a nak apkeltémakxa, hélya'ásses makhawók ma'a ekyetno nak chá'a apkelyógkexma',

Salmos 139:19 Referans Kwoze

Salmos 5:6

emasséssamhok chá'a exchep ma'a énxet'ák apkelmopwancha'a nak amya'a, eltaqnaweygkohok chá'a exchep ma'a énxet'ák appelakkassesso nak chá'a esexnenak pók, tén han ma'a ekhéyak nak chá'a apkelyógkexma'.

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Salmos 119:115

¡Kólántép sekhakxa, élmasagcha'a nak kéltémakxa! ekmakók ko'o alának ma'a apchánamakxa nak antéhek Dios ahagkok!

Salmos 6:8

¡Kólántép sekhakxa, élmasagcha'a nak kéltémakxa, apleg'ak Wesse' egegkok ma'a ektémakxa ekxegeykha egkenyek!

Salmos 64:7

Dios sa' eyke elyátak ma'a yágke apagkok, etlakkasek sa' elyensasagkok;

Salmos 55:23

Dios ahagkok, megkawegqók sa' chá'a apkelweynchámeykha m'a énxet'ák ekyetno nak chá'a apkelyógkexma', tén han ma'a apkelmopwancha'a nak chá'a amya'a; xép sa' epalchesegmak ma'a kañók agko' nak takhaxpop, keñe ko'o may'ásseykmok xép.

Salmos 9:17

Exnagwók sa' apkelmaheykegkaxa nak apkeletsapma m'a élmasagcha'a nak apkeltémakxa, tén han ma'a melya'áseyak nak Dios, tén han élwagqámeyak nak ma'a Dios;

Salmos 94:23

Yának sa' kalnápekxak apkeltémakxa ekmaso Wesse' egegkok ma'a élmasagcha'a nak apkeltémakxa. ¡Dios egagkok sa' emasséssók!

Salmos 9:18

megkatnehek sa' chá'a megkaxeyenma kélwáxok ma'a meyke nak aqsok apagkok, megkatnehek sa' chá'a eyaqhémo m'a ektémakxa nak apkelhaxneykha.