Salmos 139:17 - Biblia Enxet

¹⁷ Oh Dios, askehek agko' ko'o ay'asagkohok ma'a élchetamso nak apwáxok; ¡xámok agko' ma'a ekyókxoho nak!

Salmos 139:17 Referans Kwoze

Salmos 40:5

Wesse', Dios ahagkok, xámok agko' nak la'a exchep senlánésso aqsok éltaqmela, xámok agko' aqsok senlánésso ekxeyenma apwáxok negko'o. ¡Méko aphawo exchep! Émenyeyk eykhe ko'o axének xa, tén han alyetsetek, mowanchek eyke, xámok agko'.

Jeremías 29:11

Ekya'ásegkók ko'o sekmáheyókxa atnéssesek kéxegke, yaqwayam kataqmelekxak kélheykha, háwe m'a ekmaso nak kélheykha, yaqwayam sa' kayágwomhok agko' kélhaxneykha m'a egmonye' sa'. Ko'o sekxeyenma xa, sektáha nak Wesse'.

Salmos 92:5

Oh Wesse', élyawa agko' nak la'a m'a aqsok apkelane nak! ¡askehek agya'asagkohok ma'a ektémakxa nak élchetámeykha apwáxok!

Salmos 36:7

Oh Dios, ¡tásók agko' nak la'a exchep ektémakxa segásekhayo! ¡Apkelyexánegweykekxeyk chá'a exchep aphakxa m'a énxet'ák, cham'a kóneg apxempenák nak!

Salmos 31:19

¡Awanhek xép ektaqmeleykha apwáxok elanok ma'a ektáha nak chá'a apcháyo exchep! Apteméssessama nak máxa aqsok ekmomnáwa aptaqmelchessama apkelmeyáseykegkoho nak chá'a nápaqta'awók énxet'ák ma'a aptáha nak chá'a exchep mey'ásseyam.

Proverbios 8:31

eknéweykha axta chá'a ko'o neyseksa m'a nélwanmeygkaxa élánamáxche axta, ¡payheykekxeyk axta ewáxok sekweteya énxet apheykha!

Génesis 24:63

Chaqhawók axta han apweynchámegkaxa amonye' ekyáqtésso m'a, apwet'ak axta han apkelxegakmo yányátnáxeg apchágketchessa'a.

Salmos 40:6

Mopmenyeyk xép ma'a kélnaqtósso ektekyawa nak, tén han ma'a aqsok kélcheneykekxa ekyexna kélmésso naqsa nak chá'a; meltémók han kólsakxések ma'a aqsok kélwatno nak, tén han ma'a aqsok kélmésso naqsa ekmasséssamo nak magya'assáxma. Enegkenchessegkek xép eheyk'ák yaqwayam aña'.