Salmos 139:12 - Biblia Enxet

¹² meheyápek ko'o ekyáqtésso exma hélanok xép, kalsáwhok sa' aqsa exma axta'a ektémól'a ekhem. ¡Méko exchep ekyeykhamaxche mók apkelányo m'a axta'a tén han ekhem!

Salmos 139:12 Referans Kwoze

Daniel 2:22

Cha'a senxekmósso chá'a aqsok ekmáske nak agya'asagkoho', tén han ekpowásamáxche nak; hakte apweteyak ma'a ekhéyak nak ekyáqtésakxa exma, yetnegkek xamo' ma'a élseyéxma nak.

Job 34:22

Méko ekyáqtésso exma ekyentaxno agko' awanchek kakpósek ma'a ekmaso nak aptémakxa'.

Éxodo 20:21

Apyepetchegwokmók axta Moisés apkenegwa'akxa axta m'a Dios ekpeysamakxa axta m'a yaphope neyseksa apchaqnagwe énxet'ák ma'a makhawo nak.

Job 26:6

Yáxñakxoho temék apkelányo Dios ma'a takhaxpop, apkelmaheykegkaxa nak apkeletsapma.

Éxodo 14:20

Kenegwákxeyk axta apmonye'e sẽlpextétamo Egipto xa yaphope émha nak, cháhakkassek axta ekpayhókxa apchaqnágkaxa m'a israelitas; yáqtéssessek axta exma m'a egipcios, keñe axta m'a israelitas kelsássessek axta aqsa exma. Axta keñamak meltahanyékxo yókxoho axta'a egipcios ma'a israelitas.