Salmos 136:6 - Biblia Enxet

⁶ Appekkenma axta xapop néten yegmen, hakte megkamassegwomek chá'a segásekhayo.

Salmos 136:6 Referans Kwoze

Salmos 24:2

Hakte Wesse' egegkok axta appekkenma awhak xapop, tén han appekkenma m'a néten nak wátsam élyawe tén han ma'a wátsam.

Jeremías 10:12

Yetlo apmopwána axta apkelaneyk Wesse' egegkok xapop; yetlo apya'áseykegkoho axta appekkenmak nélwanmégkaxa; yetlo apmopwána aqsok axta appeykessók ma'a néten.

Génesis 1:9

Aptáhak axta makham Dios se'e: “Kaqnekxa ekyetnamakxa agko' yegmen, ekyetnama nak kóneg yaphope, yaqwayam sa' kaxek ekyamakakxa exma.” Temék axta han xa.

Isaías 44:24

Keso aptáhakxa nak appeywa Wesse' egegkok se'e, apwagkasso nak teyp, apkelane axta apyetnamakxa m'a kañe' egken awáxok: “Ko'o sekteme Wesse', sélane ekyókxoho aqsok, ko'o axta sekpeykesso m'a néten, tén han sekpekkenma m'a xapop meyke sepasmo.

Isaías 42:5

Aptáhak apcháneya apkeláneykha Dios se'e, Dios apkelane axta m'a néten tén han appeykesso axta, apkelane axta m'a xapop tén han apkelántekkesso axta aqsok ekhéyak nak ma'a awáxok, apmésso nak apkelyennaqte tén han apkelennama m'a énxet'ák apheykha ma'a kañe':

Job 26:7

Appeykessegkek axta néten Dios meykexa axta makham aqsok, apkexanmeyk axta xapop meykexa aqsok.

Zacarías 12:1

Keso appeywa axta Wesse' egegkok se'e, apxéna m'a Israel. Aptáhak Wesse' egegkok se'e, appeykesso nak ma'a néten, appekkenma nak awhak ma'a xapop, apmésso nak apyennaqte m'a énxet:

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Job 37:18

¿Apwancheya exchep epasmok Dios appékesso néten, tén han énnaqtések ektémól'a sawo éláxñe?