Salmos 135:5 - Biblia Enxet

⁵ Ekya'ásegkók ko'o Dios Wesse' egegkok apteme apwányam apagko', megkaxnawok ma'a ekyókxoho aqsok kéláyókxa.

Salmos 135:5 Referans Kwoze

Salmos 97:9

hakte xép Wesse', meyke nak ekhémo, apteme néten ma'a ekyókxoho aqsok nak keso náxop, tén han apteme néten agko' neyseksa m'a ekyókxoho aqsok ekha nak élmowancha'a.

Salmos 95:3

Hakte Wesse' egegkok apteme Dios apwányam apagko', apteme Wesse' apwányam neyseksa m'a ekyókxoho aqsok ekha nak élmowancha'a.

Salmos 48:1

¡Apwányam apagko' Wesse' egegkok! ¡Payhawók kólteméssesek apcheymákpoho Dios egagkok ma'a tegma apwányam apagkok nak, tén han ma'a egkexe ekpagkanamaxche apagkok nak!

Deuteronomio 10:17

hakte cham'a Dios Wesse' kélagkok nak kéxegke apteme Dios Wesse' agkok ma'a ekyókxoho aqsok kéláyókxa nak tén han apteme Wesse' apagkok ma'a apyókxoho kelwesse'e apkelwányam nak keso náxop; apteme nahan Dios apwányam apagko', ekha apyennaqte tén han mageysso agè', metnéssesso nak han apyeykhamap pók elanok énxet tén han memà nak exkak ma'a aqsok kélmésso naqsa yaqwayam mexének ektemegweykmohoxma;

Daniel 3:29

Wának sa' ko'o kaxwók kólyaqtennagkok nápakha'a apketkók énxet ektáha nak apxéneykha ekmaso Dios apagkok xa wokma'ák nak, keñe sa' apxagkok kóltemessásekxak meteymog ektaháneykekxa mók, megkeyxek sa' ma'a énxet'ák apagkok apagko', tén han ma'a pók énxet'ák mók ektémakxa nak chá'a apkelpeywa, hakte méko xama aqsok kéláyókxa katnehek hegwagkasek teyp xa ektáha nak.”

Isaías 40:25

Aptáhak apkelmaxneyáncha'a Dios Aptaqmalma s'e: “¿Yaqsa sa' hélhéshok ko'o kéxegke? ¿Yaqsa sa' axhok ko'o?”

Isaías 40:22

Aphegkek Dios ma'a teyp yaphope eyapma nak keso náxop, máxa séta nahan aptemék apkeláneykencha'a m'a énxet'ák. Máxa kélpakxanma aptemék appeykessama yaphope m'a néten, máxa kélpakxanma aptemék appeykessama, negmowánal'a anxek ma'a kóneg.

Salmos 89:6

Wesse', méko xama enxoho aqsok kéláyókxa negmowána aghéshok xép, méko han xama aqsok enxoho ekhawo exchep ma'a ekhéyak nak néten!

Salmos 147:5

Apwányam apagko' ma'a Dios egagkok, awanhek han apmopwána; méko néxa m'a apya'áseykegkoho.