Salmos 133:1 - Biblia Enxet

¹ ¡Ektaqmelakxoho agko' nak la'a agwetak elásekhakpohok ẽlyáxeg'a, tásók agko' katnehek xa ektáha nak!

Salmos 133:1 Referans Kwoze

Jeremías 32:39

Wának sa' ko'o etnahagkok wánxa apkelmopmenyého etnehek seyáyo neyseksa apheykha, yaqwayam sa' kataqmelek apheykha, yetlo aptawán'ák neptámen.

Génesis 13:8

Aptáhak axta Abram apcháneya Lot se'e: “Émók ahagko' ko'o exchep, megkapayhawok ólenmexaxche', megkapayhawok han elenmexakpok ma'a apkeláneseykha nak xép apnaqtósso, tén han séláneseykha nak ko'óxa seknaqtósso.

Génesis 45:24

Apkelaphássek axta José m'a apkelpepma, aptáhak axta apkeláneya s'e: —Nagkólátegmoweyxche aqsa kéltaqhákxexa ámay. Apkeltaqhákxeyk axta.

Isaías 11:6

Keñe sa' ma'a aqsok nawha'ák éllo nak kallawha aqsa xamók ma'a nepkések apketkók nak, keñe sa' neptána exnagkohok aqsa xamók ma'a yát'ay apketkók nak, keñe sa' weyke étkók kapaxqaha aqsa m'a méwa, sakcha'a apketchetsék apagko' sa' nahan kólteméssesek apkeláneykha.

Salmos 131:1

Wesse', háwe ko'o eyeymáxkoho ewáxok, háwe han seyeymáxkoho alanok émók, mategyeykha han ma'a aqsok élyawe, mamowána nak chá'a óta'.

Isaías 11:13

Kamaskok sa' ektémakxa nak apkelyásekkesso m'a Efraín énxet'ák, kamaskok sa' nahan apkello m'a énxet'ák Judá, melyásekkesek sa' chá'a kaxwók Efraín énxet'ák ma'a Judá énxet'ák nak, megkaxének sa' nahan kaxwók apwáxok eltaqnawák Judá énxet'ák ma'a Efraín énxet'ák apagkok nak.

Salmos 122:1

¡Kapayhekxa nak la'a chá'a ko'o ewáxok kéltáha enxoho hélának se'e: “Ólmeyekxak Wesse' egegkok tegma appagkanamap apagkok!”

Isaías 11:9

Méko sa' xama enxoho kalának ekmaso ekyókxoho m'a egkexe ekpagkanamaxchexa ahagkok nak, hakte kasawhekxohok sa' apya'áséyak Wesse' egegkok ma'a ekyókxoho nak apchókxa, sa' katnehek ma'a ektémól'a ekláneyo yegmen ma'a wátsam ekwányam.

Salmos 124:1

Kólteme sa' kólpaqmétek se'e Israel: Axta agkok negko'o hempasmak Wesse' egegkok,