Salmos 13:2 - Biblia Enxet

² ¿Háxko sa' ekwánxa kammok eklegeykegkoho ewáxok, tén han ekyaqhápeykha ewáxok yókxoho ekhem? ¿Háxko sa' ekwánxa kammok setnéssesso mékoho m'a sélenmexma nak?

Salmos 13:2 Referans Kwoze

Jeremías 8:18

Méko hemasséssesek ektémakxa élekxagweykha ewáxok, yelqamáxcheyk ewáxok.

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Lamentaciones 1:5

Kóneg aptemessásekxak ma'a apkelenmexma, tásek ekteyapma aqsok apkelánéyak ma'a apkelenmexeykha nak chá'a. Wesse' egegkok apyentaxnéssesso apheykha m'a, eñama ekxámokma m'a melya'assáxma. Kélnaqlákxeyk megkatnahakxa apkelókxa m'a apketchek, apnaqlákxeyk ma'a apkelenmexma nak.

Eclesiastés 5:17

Weykmok han apweynchámeykha ekmaso keso náxop, yetlo élya'assóxma, tén han aplegeykegkoho, tén han eklo apwáxok.

Proverbios 15:13

Ekpayheykekxa egwáxok, kátsaha négát; élapwayam egwáxok, megkátsaha négát.

Job 10:15

Yetneyk agkok ko'o aqsok ekmaso sélane, mammehek teyp; méko agkok sektémakxa, kaqhok kapayhekxak ewáxok, hakte mékoho etnessásekxa', tén han ekyaqhápeykha ewáxok.

Lamentaciones 1:9

Kelyepetcheyak élnaqta m'a aqsok élmanyása; megkaxeyenmak awáxok yaqweykenxa katnehek. Asagkek ektáhakxa ektéyam; méko xama enxoho yaqwayam epeykessásekxak awáxok. ¡Wesse', elano sẽltemessáseykekxa mékoho tén han ektémakxa apkeleymákpoho m'a sélenmexma!

Salmos 116:3

Élpextehetmeyk axta ko'o nétsapma, emomchek axta ko'o m'a takhaxpop ekyentaxnamakxa nak egwáxok, eyáyók ahagko' axta, eklegeykegkók agko' axta han.

Salmos 74:18

Wesse', kaxénwakxoho apwáxok aplókassama exchep ma'a apkelenmexma nak, tén han apxéneykencha'a chá'a ekmaso m'a énxet'ák élyeyháxma nak.

Salmos 74:10

Oh Dios, ¿háxko sa' ekwánxa katnégwók néxa sẽlenmexeykha m'a sẽlenmexma nak? ¿Háxko sa' ekwánxa katnégwók néxa apxéneykha ekmaso exchep?

Salmos 42:4

Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!

Salmos 31:18

Elwanmeyásekxa m'a apkelmopwancha'a amya'a nak, apkelasmésso nak chá'a yetlo apkelwanyeykha m'a énxet'ák meyke nak apkeltémakxa, tén han apkeltaqnagko nak chá'a.

Salmos 17:9

hewagkas teyp neyseksa sektáméyam ma'a élmasagcha'a nak apkeltémakxa, ¡ewakhayak ko'o m'a sélenmexma apmáheyo nak heyaqhek!

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Salmos 9:6

Apkeletsekkek ma'a sélenmexma, apkeletsapawók xamo' ma'a tegma apkelyawe apagkok nak; xép apmassésseykmok, massegwokmók agko' nahan apkelxénamap.

Salmos 8:2

Sakcha'a keyetsék élmeneykmasso ekteykegkoho nak makham neme, keñamak apkeláneya exchep tegma apyennaqte, eñama m'a apkelenmexma nak, yaqwayam enxoho emasséssók ma'a apkenmexeykekxa nak chá'a exchep, tén han ma'a apkelenmexma nak.

Ester 7:6

Tén axta Ester ektáha eyátegmowágkokxo s'e: —¡Amán xa sẽlenmexma nak negko'o, énxet ekmaso nak aptémakxa! Xama axta apleg'a xa, apkelyelqákpek axta aqsa Amán apkeye nápaqtók wesse' apwányam, tén han ma'a wesse' ekwányam Ester.

Nehemías 2:2

aptáhak axta sélmaxneyáncha'a s'e: —¿Yaqsa ektáha ekyaqhápeyncha'a nak apwáxok? Máxa neykhe megyaháxekpo enxoho, yetnawók ektáhakxa exchep. Yetlókok axta han sekyegwakto ekwányam agko',

1 Samuel 24:19

Hakte megkatnehek chá'a megyaqhe apkenmexma énxet apwet'a enxoho, megyohok chá'a eweynchamha. ¡Wesse' egegkok sa' eyke eyaqmagkásekxak ektaqmela setnéssesakxa nak ko'o exchep se'e sakhem nak!

1 Samuel 18:29

Yágweykmók axta apkeye, apkenmexma apagko' axta aptemék neyseksa apha.

Salmos 38:17

Ketók ko'o sekyaqnenmakxa'; meheyamasmak xama enxoho seklegeykegkoho.

Salmos 6:4

Wesse', émpoho, ¡hewagkasseta ko'o teyp!, ¡hewagkas teyp eñama seyásekhayo!

Lamentaciones 5:20

¿Yaqsa ektéma ekmassegweykmo agko' nak negko'o ekxeyenma apwáxok? ¿Yaqsa ektéma segkexakhama nak ekwenaqte agko'?