Salmos 13:1 - Biblia Enxet

¹ Wesse', ¿háxko sa' ekwánxa kammok megkaxeyenma apwáxok ko'o? ¿Kamaskohok agko' ya sa' ekxeyenma apwáxok ko'o? ¿Háxko sa' ekwánxa katnégwók néxa séxánegkesso ko'o?

Salmos 13:1 Referans Kwoze

Job 13:24

¿Yaqsa ektéma séxánegkessama nak xép? ¿Yaqsa ektéma setnéssessama nak máxa sénmexma?

Salmos 89:46

Oh Wesse', ¿yaqsa sa' ekhem kamassegwók séxánegkesso? ¿Megkamassegwomeya sa' aplo ektémól'a táxa?

Lamentaciones 5:20

¿Yaqsa ektéma ekmassegweykmo agko' nak negko'o ekxeyenma apwáxok? ¿Yaqsa ektéma segkexakhama nak ekwenaqte agko'?

Salmos 80:4

Wesse' Dios ekha nak apyennaqte, ¿háxko ekwánxa katnégwók néxa eklókasso apkelmaxneyéyak ma'a énxet'ák apagkok?

Salmos 6:3

¡Pexyennegkek ewáxok seyeye! Wesse' ¿háxko sa' ekwánxa hey'óta'?

Salmos 44:24

¿Yaqsa ektéma apyexanmoma nak? ¿Yaqsa ektéma megkaxeyenma nak apwáxok negko'o, néllegeykegkoho egagko' nak?

Salmos 35:17

Wesse', ¿háxko sa' ekwánxa ekhem hélanha aqsa ko'o? ¡Hewagkas ko'o teyp, neyseksa ekmáheyo heyaqhek se'e yámakméwa élyexwéweykencha'a nak!

Salmos 10:12

¡Wesse', yempekxa néten, ellegássesagkoho! ¡Nágkalwánaqma m'a énxet'ák kélyentaxnéssesso nak apheykha!

Salmos 85:5

¿Megkamassegwomeya sa' sẽltaqnawéyak negko'o? ¿Megkatnégwomeya sa' néxa aplo?

Salmos 74:1

Oh Dios, ¿yaqsa ektéma segkexakhama apagko' nak? ¿Yaqsa ektéma apkeltaqnaweykegko nak xép ma'a nepkések apkelleykha nak yókxexma apagkok?

Isaías 59:2

Aqsok ekmaso kélláneyák akke keñamak kéxegke ekhaxtegkessama kélmonye'e m'a Dios; megkólya'assáxma keñamak melányo chá'a kéxegke m'a tén han megyaháxenmo chá'a kélpeywa.

Salmos 90:14

Hegyánchessesho negko'o segmésso segásekhayo yókxoho axto'o, ólmeneykmaksek sa' chá'a negko'o yetlo élpayheykekxa egwáxok neyseksók negheykha.

Deuteronomio 31:17

Altaqnaweygkok sa' eyke ko'o xa énxet'ák nak, akxák sa'; megkeytnakhaksók sa' ewáxok xama enxoho, káhapwak sa' ekxámokma agko' ma'a aqsok ekmaso tén han ma'a nenlegeykegkoho nak, keñe sa' etnehek chá'a elpaqmésmakha s'e: ‘Hákho óllegagkohok se'e aqsok ekmaso nak, ñókxa ekmassa apha negyeseksa m'a Dios Wesse' egegkok.’