Salmos 127:3 - Biblia Enxet

³ Wesse' egegkok sempasmo negko'o segméssama nak chá'a egketchek.

Salmos 127:3 Referans Kwoze

Deuteronomio 28:4

Tásek sa' katnehek ekheykha m'a kélketchek, xámok sa' katnehek, tén han ma'a aqsok kélcheneykekxa nak, tén han étkók nak ma'a weyke kélnaqtósso, nepkések tén han ma'a ekyókxoho aqsok kélnaqtósso nak.

1 Samuel 1:27

Élmaxnagkamchek axta ko'o Wesse' egegkok séltémo hegkések se'e sakcha'a nak, keñe segkéssama.

Isaías 8:18

Negko'o nenteme aqsok magkenatchesso sempelakkasso nak agwetak apagkok ma'a énxet'ák Israel, ko'o tén han ma'a étchek sélmésso axta m'a Wesse' egegkok, senteméssesso axta m'a Wesse' ekha nak apyennaqte apha nak ma'a egkexe Sión.

Génesis 48:4

segkésa appeywa: ‘Elano, axámassásekxak sa' ko'o exchep apketchek, énxet apxámokma sa' atnessásekxak ma'a aptawán'ák neptámen pók aptémakxa nak chá'a énxet'ák. Agkések sa' han ko'o aptawán'ák neptámen se'e xapop nak. Apagkok sa' chá'a etnehek ma'a meyke néxa.’

Génesis 33:5

Apkelanawók axta Esaú m'a kelán'ák, tén han ma'a sakcha'a, tén axta aptáha apkelmaxneyáncha'a s'e: —¿Yaqsa eyke xa apnaqlóncha'a nak? —Ko'o étchek, Dios axta sélmésso —axta aptáhak Jacob.

Génesis 1:28

Keñe axta aptáha appeywa apkeltamho kataqmelhok ekheykha s'e: “Exámekxak sa' kélketchek; elánhok sa' ekyókxoho yókxexma keso náxop, apagkok sa' nahan etnahagkok; etnéssesek sa' nahan apmakókxa enxoho etnéssesek ma'a kelasma, tén han ma'a náta, tén han ma'a ekyókxoho aqsok nawha'ák élpexyaweykegkoho nak xapop.”

Génesis 24:60

Axta kéltáhak kélmaxnéssesa Rebeca kéltamho kataqmelek ekha s'e: “Xeye', egyáxeg, ¡Katnehek sa' xe' apxámokma apagko' étchek! ¡Elmok sa' tegma apkelyawe apagkok apkelenmexma m'a atawán'ák natámen!”

1 Crónicas 28:5

Keñe m'a nepyeseksa nak apyókxoho étchek, hakte apxámok axta sélmésso m'a Wesse' egegkok, apkelyésancha'a m'a hatte Salomón, yaqwayam etnehek wesse' apwányam ma'a Israel, cham'a aptémakxa nak wesse' apwányam ma'a Wesse' egegkok.

Isaías 13:18

Yágke sa' elyátak elnápok ma'a wokma'ák nak. Megkaleyósek sa' elanok ma'a sakcha'a kaxwe ekpalleyam nak, megkaqhek sa' nahan apwáxok elanok ma'a sakcha'a apketcheyetse nak.

Génesis 4:1

Apyepetcheyak axta aptáwa' énxet, cham'a Eva. Lósók axta han entemék, tegkessek axta étche apkenna', cham'a Caín, keñe axta ektáha s'e: “Yetneyk ko'o kaxwók hatte apkenna', Wesse' egegkok segkésso.”

Deuteronomio 28:11

Exekmósek sa' apkelásekhayo kéxegke Wesse' egegkok elmések ekxámokma agko' ma'a kélketchek, tén han ekxámokma étkók ma'a weyke kélnaqtósso tén han ekxámokma agko' ma'a aqsok ekyexna kélcheneykekxa kélnakxo eñama m'a xapop apxeyenma axta naqsók egkések kéxegke m'a kélyapmeyk nano'.

Jueces 12:9

treinta axta apyókxoho apketchek apkelennay'a, treinta han ma'a kelwán'ák, ekyókxoho axta apkelyamhakkáseykegkok apkelméssama m'a énxet'ák apkeleñama nak mók nekha. Siete apyeyam axta apteme apkemha apmonye' apagkok Israel ma'a Ibsán,

2 Samuel 3:5

keñe axta aptáhakxa seis ma'a Itream, Eglá axta étche, mók aptáwa' axta m'a David. Cháxa appalleyam axta aphamakxa axta David ma'a Hebrón.

1 Crónicas 8:40

Sẽlpextétamo apkelyennaqte axta han ma'a Ulam apketchek, apmopwancha'a apkelmeykha yágke. Apxámok apagko' axta han ma'a apketchek tén han aptawán'ák, ciento cincuenta axta apyókxoho, Benjamín aptawán'ák neptámen axta xa apyókxoho nak.

Job 1:2

Siete axta apketchek apkelennay'a m'a Job, keñe ántánxo m'a apketchek kelwán'ák,