Salmos 124:4 - Biblia Enxet

⁴ Hẽlsók axta han ma'a yegmen; ¡hegápekxak axta han negko'o m'a wátsam!

Salmos 124:4 Referans Kwoze

Salmos 69:15

¡Nágyoho heswok yegmen ényé! ¡Nágyoho heweykesagkok ma'a yegmen ényé ekyéhegwayam ekyennaqte nak, tén han heyápekxa'!

Isaías 59:19

Apyókxoho énxet sa' yáwhok Wesse' egegkok apkelwet'a sa' apcheymákpoho, eyeynamo m'a teyapmakxa ekhem nak ekweykekxoho m'a taxnegwánxa ekhem, hakte máxa yégayam ekyawe sa' etnehek éxyamok ma'a, ekyawheyáseykhal'a éxchahayam ekyennaqte agko'.

Salmos 69:2

ekweywegkek ko'o kañe' yáma yelpa' ekmattawóneg, méko sélteyagwánxa. Ekwokmek ma'a éttawanyexa agko' nak yegmen, éñawássek yegmen ényé.

Salmos 32:6

Cháxa keñamak peya nak chá'a ewónmakha exchep ekwa'a enxoho chá'a ekmaso apheykha m'a melyenyaweykha nak chá'a exchep, katyapok sa' eykhe m'a yegmen ekmattawóneg nak, megkammók sa' eyke m'a apheykegkaxa nak.

Daniel 9:26

Yeyk'ak sa' agkok ma'a sesenta y dos semána nak, emátog sa' ma'a apkemha apmonye' appagkanamap nak. Emasséssók sa' Jerusalén tén han tegma appagkanamap ma'a énxet'ák apagkok nak ma'a wesse' apwányam peya nak ewa', kaxwók sa' kawak néxa ekhem, sa' katnehek ma'a ektémól'a yegmen ekyawe, Kawomhok sa' ektemegwánxa néxa ekhem ma'a kempakhakma, tén han kélmassésseyam aqsok ekxénamaxko nak katnehek.

Isaías 28:2

Yetneyk xama énxet apyennaqte aptaqmelchessesso m'a Wesse' egegkok, apyennaqte apagko', máxa m'a yegmen élyennaqte ekyennaqtél'a ektéyam, máxa m'a éxchahayam ekyennaqte ekmassesseykmohol'a aqsok, máxa m'a ekmámeye ekyawel'a, máxa m'a yegmen ekyawe ekmasól'a. Apmek sa' etnehek ekxeynták náxop,

Salmos 42:7

Anleghok ekpáwà awáxok ekyennaqte élpexyaweykenta yegmen ényé m'a xapop ekweyweykenta apagkok nak; eyapmeyk ko'o m'a yegmen ényé ekyennaqte apcháphasso nak xép.

Salmos 18:4

Élpextehetmeyk axta ko'o nétsapma; eyáyak axta ko'o m'a yegmen ényé ekmassésseykmohol'a ekyókxoho aqsok.

Job 22:11

Chapmeyk ekyáqtésso exma, mopwanchek étak xama aqsok enxoho; chapmeyk yegmen ekyawe.

Salmos 18:5

Ewakhayak axta ko'o m'a nétsapma; ¡ketók axta ko'o semomakxa m'a kelhanma segaqhamo nak!

Salmos 42:8

Ekhem chá'a ko'o heyásekhohok Wesse' egegkok, keñe chá'a axta'a malwátessemek sekmeneykmasso, tén han sélmaxnagko m'a Dios apteme nak sénnaqtésso.

Salmos 144:7

Ey'ásenta apmek neyseksa apha m'a néten, hewagkas teyp neyseksa wátsam ekwányam; nágyoho ko'o hemok ma'a pók énxet'ák nak,