Salmos 122:7 - Biblia Enxet

⁷ Méko sa' katnehek ektáhakxa m'a kañe' nak kélhaxtegkesso nepyáwa'; méko sa' han katnehek ektemegweykmoho exma m'a kelwesse'e apagkok apxanák nak.”

Salmos 122:7 Referans Kwoze

Isaías 54:13

Alxekmósek sa' ko'o apyókxoho m'a énxet'ák apagkok; awanhók agko' sa' katnehek ektaqmalma apheykha m'a apyókxoho nak.

Salmos 48:3

Apheyk Dios ma'a tegma apkelyawe nak Jerusalén; Apkeltennásamákpek Dios apteme negyexanmomakxa meyke ektáhakxa negha.

Isaías 9:7

Exek sa' ma'a néten nak David aptaháno ekyawe ektaqmalma; kasawhekxohok sa' apteme Wesse' apwányam ekyókxoho yókxexma, megkamassegwomek sa' ma'a meyke ektáhakxa nak negha; tásek sa' katnehek ekyetno m'a aptémakxa nak Wesse' apwányam, sa' katnehek ekyennaqtésso m'a aptaqmelchessáseykekxa nak chá'a apheykha énxet'ák tén han ma'a ekpayhawo nak chá'a elána', keso kaxwo' nak tén han megkatnégwayam néxa. Elának sa' Dios ekha nak apyennaqte xa, eñama ekyawe agko' segásekhayo.

Salmos 48:13

kóllano m'a kélhaxtegkesso nak nepyáwa, tén han ma'a tegma apkelyawe apkeltaqmalma agkok nak, yaqwayam enxoho kóltennasha chá'a m'a kéltawán'ák peya nak elántépekxak makham egmonye',

1 Crónicas 12:18

Keñe axta aptaxna apwáxok espíritu m'a Amasai, apteme axta apkemha apmonye' nepyeseksa m'a treinta énxet'ák. Aptáhak axta s'e: “¡Meyke ektáhakxa apwáxok sa' keytek xép David, Jesé apketche! ¡Keytek sa' xép aphakxa meyke ektáhakxa apwáxok! ¡Méko sa' katnehek ektáhakxa apwáxok xép tén han ma'a ektáha nak appasmo, hakte appasmomchek xép ma'a Dios apagkok!” Apkelmeyk axta takha' m'a David keñe aptemessásegko han apkelámha apmonye'e m'a nepyeseksa nak sẽlpextétamo apagkok.