Salmos 12:7 - Biblia Enxet

⁷ Wesse', xép sa' hẽltaqmelchesek negko'o; ¡hẽltaqmelchesek sa' chá'a nepyeseksa xa aptéma nak énxet!

Salmos 12:7 Referans Kwoze

1 Samuel 2:9

Cha'a apkeláneykha chá'a apkelmahágkaxa enxoho m'a énxet'ák apagkok melyenyaweykha nak, elmassegwók eyke aqsa chá'a ekyáqtésakxa exma m'a élmasagcha'a nak apkeltémakxa, hakte méko kawagkasek teyp ma'a ektémakxa nak ekyennaqte.

Salmos 145:20

Eltaqmelcheshok chá'a Wesse' egegkok ma'a ektáha nak chá'a apkelásekhayo, emasséssamhok eyke chá'a m'a élmasagcha'a nak apkeltémakxa.

Salmos 121:8

Etaqmelchesek chá'a exchep Wesse' egegkok apmahágkaxa enxoho chá'a apxega, keso kaxwo' nak, tén han megkatnégwayam néxa.

Salmos 37:40

Epasmok chá'a Wesse' egegkok elmallahanchesek. Elegketchesek chá'a m'a élmasagcha'a nak apkeltémakxa, tén han elwagkasek chá'a teyp, hakte apkelye'eykekxeyk chá'a aptegyeykencha'a élmasma m'a.

Isaías 27:3

Ko'o chá'a séláneykha xa, sektáha nak Wesse', yókxoho ekhem chá'a sekyásseséyak. Yókxoho ekhem chá'a sektaqmelchesso tén han yókxoho axta'a, yaqwayam enxoho megkóltawasha.

Salmos 37:28

Hakte yásekhohok chá'a Wesse' egegkok ma'a nentémakxa ekpéwomo nak, meyenyewek han chá'a m'a ektáha nak meyenseyam apyetleykha; emasséssamhok eyke chá'a m'a élmasagcha'a nak apkeltémakxa, meyke aptawán'ák neptámen chá'a etnéssesek.

Salmos 16:1

¡Dios ahagkok, hetaqmelches ko'o, hakte eyásenneykekxeyk ko'o exchep, ektémakxa nak xép sentaqmelchesso!

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Deuteronomio 33:3

Apkelásekhayók énxet'ák apagkok ma'a Wesse' egegkok, elmeyawhok ma'a ektáha nak chá'a apkelpagkanchásamap; apkelháxaheykegkek nahan chá'a apmonye' s'e énxet'ák nak apmomchek nahan chá'a takha' m'a apkeltémókxa nak chá'a etnahagkok.

Salmos 18:31

Dios apteme wánxa xama, méko pók. Méko mók aqsok kéláyókxa awanchek hentaqmelchesek.

Salmos 19:9

Tásek ma'a negáyo nak Wesse' egegkok, megkamassegwomek han. Ekmámnaqsoho agko' nahan ma'a apchánamakxa nak antéhek Wesse' egegkok, kelpéwók ma'a ekyókxoho nak,

Salmos 119:140

Xámok élmalláneyak ekyekkónamaxche m'a appeywa nak; cháxa keñamak seyásekhayo nak ko'o, sektáha nak apkeláneykha.