Salmos 12:5 - Biblia Enxet

⁵ Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”

Salmos 12:5 Referans Kwoze

Salmos 34:6

Ekwóneyha axta ko'o Wesse' egegkok, ko'o sektáha nak sekmayósa, ehaxnawók axta han, emallahanchessek axta han ekyókxoho ektémakxa ekmaso sekha.

Proverbios 14:31

Énxet aptawáseykegkoho nak chá'a m'a meyke nak aqsok apagkok, elókasek chá'a m'a ektáha axta Apkelane keñe m'a apmopyósa nak chá'a elanok pók, ekyawe kéláyo chá'a etnéssesek Wesse' egegkok.

Isaías 33:10

Aptáhak Wesse' egegkok se'e: “Alának sa' ko'o kaxwók aqsok; axekmósek sa' kaxwók ekyókxoho sekteme sekwányam ahagko' tén han sekteme seyeymáxkoho.

Job 5:15

Ewagkasek chá'a teyp Dios ma'a énxet meyke nak aqsok apagkok tén han kéltawáseykegkoho nepyeseksa m'a énxet'ák élmasagcha'a apkeltémakxa;

Salmos 10:12

¡Wesse', yempekxa néten, ellegássesagkoho! ¡Nágkalwánaqma m'a énxet'ák kélyentaxnéssesso nak apheykha!

Job 5:21

Emyók sa' neyseksa kéltekkessáseykha aqsa apwesey, megyekyek sa' nahan ekwa'a enxoho aqsok ekmaso ekmassésseykmoho nak aqsok.

Isaías 19:20

Katnehek sa' aqsok magkenatchesso, yaqwayam sa' kaxénwakxohok chá'a kélwáxok Wesse' ekha nak apyennaqte m'a apchókxa Egipto. Apkelwóneyha sa' agkok chá'a Wesse' egegkok yának epasmok eñama apkelápagqánamap ma'a ektáha nak chá'a apnaqtawáseykegkoho, yáphássesek sa' chá'a xama appasmo, yaqwayam sa' elmeyók chá'a tén han elwagkasek chá'a teyp.

Ezequiel 18:18

“Yetsapok sa' kéllegassáseykegkoho eñama aptémakxa mey'assáxma apagko' ma'a apyáp nak, hakte apnaqtawáseykegkók axta chá'a apnámakkok, apkelmenyexcháseykegkek axta nahan chá'a aqsok apagkok, apkelánéyak axta chá'a aqsok ekmaso nepyeseksa m'a énxet'ák apagkok.

Eclesiastés 5:8

Nágkatlakkas aqsa apwet'a enxoho énxet'ák meyke aqsok apagkok kélnaqtawásegkoho xama apchókxa, tén han megkóltaqmelchessásekxo enxoho chá'a apheykha, essenhan megkóllánésa enxoho chá'a m'a ekpayhawo nak kólteméssesek, hakte énxet ekha nak kéláyo, elanha chá'a m'a aptáha nak kéláyo apagko', keñe apteme nak néten agko' kéláyókxa, elanha chá'a xa apqánet nak.

Eclesiastés 4:1

Élanawók axta ko'o énxet'ák ektémakxa apnaqtawáseykegkoho apnámakkok apheykha nak keso náxop. Ekwet'ak axta apkellekxagweyncha'a m'a énxet'ák kélnaqtawáseykegkoho nak, méko axta eyke élpeykessásekxo chá'a apkelwáxok; asagkók agko' axta chá'a apteméssesakxa m'a ektáha nak apnaqtawáseykegkoho, méko axta eyke élpeykessásekxo apkelwáxok.

Salmos 10:18

Etaqmelchessásekxa ekheykha m'a élyéheykha nak, tén han ma'a kélnaqtawáseykegkoho nak: ¡kamaskok sa' aptekkesso élmeneymáxche m'a énxet apkeñama nak apkelánamap xapop!

Salmos 10:5

Tásek chá'a katnehek ekteyapma m'a ekyókxoho aqsok apkelánégkaxa enxoho. Megkaxegkáseykha elya'asagkohok ma'a ektémakxa nak xép apkelyekpelchémo énxet'ák. Elesmaksek aqsa m'a apkelenmexma nak,

Jueces 10:16

Tén axta israelitas apkexeygko m'a aqsok kéláyókxa éleñama nak mók nekha, yaqwayam elpeykeshok makham ma'a Wesse' egegkok. Massék axta ekyenna apwáxok Wesse' egegkok apkelano ektémakxa apkellegeykegkoho chá'a m'a israelitas.

Éxodo 5:2

Keñe axta faraón aptáha apchátegmowágkokxo s'e: —¿Yaqsa Wesse' m'a apkeltamho nak ko'o alyahakxoho' tén han apkeltamho nak han wohok elántépok ma'a israelitas? Mateyk ko'o m'a Wesse' nak, magwohok nahan ko'o elxog ma'a israelitas.

Salmos 31:19

¡Awanhek xép ektaqmeleykha apwáxok elanok ma'a ektáha nak chá'a apcháyo exchep! Apteméssessama nak máxa aqsok ekmomnáwa aptaqmelchessama apkelmeyáseykegkoho nak chá'a nápaqta'awók énxet'ák ma'a aptáha nak chá'a exchep mey'ásseyam.

Salmos 73:8

Emáwhok chá'a elanagkok aqsok ekmaso yetlo apkelya'ásseyam, tén han éleymáxkoho apkelwáxok, tén han yetlo melmegqakto, exének chá'a elyennaqtésha apyempe'ék;

Proverbios 18:21

Nempeywa yetnók ma'a ekyennaqte nak egnények tén han nétsapma; énxet ekxámokma nak chá'a apkelpeywa, ellegagkohok chá'a natámen.

Oseas 7:16

Apkelye'eykekxeyk axta eyke m'a aqsok kéleykmássesso, aphawók ma'a yágke ektaqhél'a, megkapayhémól'a negya'asakxa m'a aktek nak. Sókwenaqte sa' kólyetxák kólnápok ma'a apkelámha apmonye'e apagkok nak, eñama éleymáxkoho apkelpaqméteykha, elesmaksek sa' ma'a énxet'ák Egipto.