Salmos 119:1 - Biblia Enxet

¹ Apkeleñémo énxet meyke nak apkelane xama aqsok ekmaso, apyetlókasso nak chá'a m'a ektémakxa nak Wesse' egegkok segánamakxa apagkok.

Salmos 119:1 Referans Kwoze

Ezequiel 11:20

Tén sa' etnahagkok ma'a ekhawo nak ektémakxa m'a segánamakxa ahagkok tén han ma'a séltémókxa nak chá'a etnahagkok, elanagkok sa' nahan. Énxet'ák ahagkok sa' ko'o atnehek ma'a, keñe sa' etnahagkok ko'o Dios apagkok ma'a.

Salmos 128:1

Apkeleñémo exchep apcháyo nak chá'a Wesse' egegkok, tén han apkelyaheykekxoho nak chá'a.

Salmos 112:1

¡Aleluya! Apkeleñémo énxet apcháyo nak chá'a Wesse' egegkok, ekpeykeseykekxoho nak chá'a apwáxok ma'a apkeltémókxa nak chá'a antéhek.

Proverbios 11:20

Etaqnawhok Wesse' egegkok ma'a énxet ekmaso nak chá'a élchetámeykha apwáxok, kalkohok eyke apwáxok elanok ma'a énxet ektaqmalma nak chá'a apkeltémakxa'.

Salmos 101:2

émenyeyk ko'o atnehek ekpéwomo sektémakxa. ¿Háxko sa' ekwánxa hey'óta'? Ektaqmalma sektémakxa sa' ko'o atnehek, cham'a exagkok nak;

Oseas 14:9

Kéméxcheyk elya'asagkohok apkelmopwancha'a nak aqsok, tén han ekha nak apkelya'áseyak aqsok se'e amya'a nak: Kelpéwók agko' ámay apagkok ma'a Wesse' egegkok, elyetlók chá'a m'a énxet'ák apkelpéwomo nak, keñe m'a énxet'ák élmasagcha'a nak apkeltémakxa kalpelápagkasek chá'a.

Salmos 101:6

Kalkohok sa' eyke chá'a ko'o ewáxok ma'a énxet'ák melyenseyam nak chá'a apkelyetleykha Dios, yaqwayam sa' exmakha chá'a xamók ko'o; wánxa sa' aqsa chá'a etnehek séláneykha m'a ektaqmalma nak chá'a apkeltémakxa.

Job 1:8

Tén axta Wesse' egegkok aptáha apcháneya s'e: —¿Wet'aya m'a séláneykha apwesey nak Job? Méko xama énxet aphawo s'e náxop nak, meheyenseykmok apteme séláneykha, péwók agko' nahan aptémakxa, méko ekmaso enxoho aptémakxa, apkeláneykegkók aptémakxa yaqwayam melanyek xama aqsok ekmaso.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

2 Reyes 20:3

“Wesse' ahagkok, éltamhók ko'o exchep kaxénwakxohok apwáxok ektémakxa nak mayenseyam sekyetleykha tén han sekteméssesso naqsók agko', séláneya m'a ekleklamókxa nak xép apwáxok.” Tén axta apkelekxagweyncha'a ekwányam agko'.

Proverbios 13:6

Aptémakxa ekpéwomo chá'a kamyók ma'a énxet meyke nak aqsok ekmaso apkelane; aptémakxa ekmaso eyke chá'a katsagkasek ma'a énxet mey'assáxma nak.

2 Samuel 22:22

hakte ekyetlamchek axta ko'o m'a Wesse' egegkok nak ámay apagkok; ¡mayenseykmok xama enxoho m'a Dios ahagkok!

Proverbios 29:18

Kayeykhágwomhok agko' chá'a apkeltémakxa élyeyháxma énxet'ák meykexa enxoho chá'a appékessáseyak ma'a Dios; ¡apkeleñémo énxet'ák apkelyeheykekxoho nak chá'a Dios segánamakxa apagkok!