Salmos 118:13 - Biblia Enxet

¹³ Eyhegamchek axta ekyennaqte agko' apmáheyo hetegkesek, ey'eykekteyk axta eyke Wesse' egegkok sepasmoma.

Salmos 118:13 Referans Kwoze

Salmos 140:4

Wesse', nágyoho hemok ko'o élmasagcha'a nak apkeltémakxa, hetaqmelches ko'o nepyeseksa m'a apkelyennaqteyáseykha nak chá'a apyempe'ék, apkeláneykekxa nak chá'a aptamhágkaxa yaqwayam hetegkesek.

Salmos 86:17

Hexekmós ko'o xama aqsok yaqwayam eykpelkohok naqso' apteme seyásekhayo, keñe sa' elmegqágwakxak ektáha nak chá'a ko'o setaqnagko, apkelwet'a enxoho xa aqsok nak. ¡Wesse', epasmomchek xép, etaqmelchessáseykekxeyk ewáxok!

Miqueas 7:8

Énxet'ák sélenmexma nak, nágkalpayhekxa kélwáxok kólwetak ekmaso sekha, ekyaqnenmeyk eykhe ko'o, wampekxak sa' eyke makham néten; ekhegkek eykhe ko'o ekyáqtésakxa exma, Wesse' egegkok akke sélsássesso chá'a exma.

1 Samuel 25:29

Yetneyk sa' agkok xép xama énxet apkenmexeykha apmáheyo yaqhek, méko sa' katnehek ektáhakxa exchep, eñama aptaqmelchesso m'a Dios Wesse' apagkok. Ekxák sa' apkelenmexma m'a Wesse' egegkok, aptémól'a xama énxet eyenyók meteymog mélwakto apmeykha.

1 Samuel 20:3

Keñe axta David aptáha apcháneya: —Apya'ásegkok eyke exchep apyáp seyásekhayo ko'o exchep, la'a memako nak eltennaksek, hakte tamháha apwáxok keyntaxnésseshok xép apwáxok. ¡Naqsók eyke ko'o sektáha yetlo sekxeyenma Wesse' egegkok tén han xép, ketók ko'o kaxwók sétsapmakxa'!

Salmos 129:2

xámok axta ko'o sélyentaxnéssesso sekha eyeynmo m'a sektémakxa axta étkok, axta eyke hélhémo'.