Salmos 118:12 - Biblia Enxet

¹² Máxa kenáwet aptemék sewakhaya, massegweykmek eyke aqsa m'a apkello nak, máxa m'a ektémól'a kalmétek yámet ekha nak am'ák, ¡makke hexnémók eñama Wesse' egegkok apwesey!

Salmos 118:12 Referans Kwoze

Deuteronomio 1:44

Tén axta m'a amorreos, apheykencha'a axta m'a egkexe nak, apkelánteyapma kélmonye'e kéxegke, máxa axta kenáwet aptamheykegkok apmenxenma. Kéltekyawomchek axta kéxegke m'a Seír ekweykekxoho m'a Hormá.

1 Samuel 17:45

Aptáhak axta apchátegmowágkokxo David se'e: —Ey'awak xép yetlo sókwenaqte, sawhéwa tén han héwa, ay'ammok sa' eyke ko'o exchep yetlo Wesse' egegkok ekha apyennaqte apwesey, Dios apagkok nak ma'a Israel sẽlpextétamo apagkok, apkellókáseykegko nak chá'a exchep.

Salmos 20:5

Keñe sa' negko'o ólátsaha kalpayhekxak egwáxok eñama apmallanma, ólya'aksek sa' néten bandera yetlo nenxeyenma apwesey Dios egagkok. ¡Wesse' egegkok sa' elának ekyókxoho aqsok apkelmaxneyeykha nak!

Eclesiastés 7:6

Máxa pa'at élmeyesma éllól'a apkektegmeykha m'a énxet ekyeyháxma nak, cháxa ektáha han aqsok eyaqhémo agwetak xa.

Salmos 20:1

Wesse' egegkok sa' xép yátegmowagkok eyesagko enxoho ektáhakxa apha; Jacob Dios apagkok sa' emyók xép.

Salmos 58:9

eláléwak sa' ektémól'a yámet ekha nak am'ák kólwatnek, amonye' apkelya'ásegwayam; kólpátekkesek sa' yetlo apkeltaqnómap apagko', ektémól'a pa'at axnancha'ák.

Salmos 8:9

Wesse' apwányam egagkok, ¡sawheykekxók xép apwesey ekyókxoho yókxexma keso náxop!

2 Samuel 23:6

Keñe sa' ma'a apyókxoho élmasagcha'a nak apkeltémakxa, máxa am'ák kélchexakha sa' kólteméssesek magmowánal'a ampaknegwomho'.

Nahúm 1:10

Máxa am'ák eknaqtétamáxche sa' kóltéhek kólmétek kélyókxoho, tén han ektémól'a pa'at apák.

Isaías 27:4

Massék ko'o séltaqnaweygko xa. Tekkek sa' agkok am'ák tén han ekmompánaqma m'a neyseksa, wampakhak sa' ko'o, asawhohok sa' alwatnek ekyókxoho.

Isaías 33:12

Táhap sa' etnekxak ma'a énxet'ák; máxa yámet ekha nak am'ák kélyaqténma sa' etnahagkok eláléwha elmétek ma'a neyseksa táxa.