Salmos 112:9 - Biblia Enxet

⁹ Emlaskok chá'a eyeyméxchexa aqsok ma'a meyke nak aqsok apagkok, megkamassegwomek sa' chá'a aptémakxa memasma aqsok apagkok, tásek sa' chá'a katnehek apxénamap.

Salmos 112:9 Referans Kwoze

Salmos 75:10

hakte emasséssessók sa' ektémakxa nak apkeleymákpoho m'a élmasagcha'a nak apkeltémakxa, eyánchessessamhok sa' eyke apmopwána m'a énxet ektaqmalma nak aptémakxa.

Isaías 58:10

kélmésa enxoho chá'a aptéyak ma'a meyk át'ák nak, kélpasma enxoho chá'a aqsok apkelmopmenyého m'a énxet'ák élyaqhápeykha nak apkelwáxok eñama ekyentaxnamo apheykha, kápogwátek sa' cháléwasso kélagkok ma'a ekyáqtésakxaxma nak, élseyéxma sa' katnekxak ma'a ekyaqtéssóxma kélagkok, kaxhok sa' ma'a ektémól'a élseyéxma yetseksók ekhem.

Isaías 58:7

kólmések nekha kélto m'a meyk áto', kólmok nahan chá'a takha' kólhések kélxagkok ma'a énxet apmopyósa meyke nak apxagkok; kólmések nahan apkelántaxno m'a énxet'ák meyke nak apkelántaxno, kólpásem chá'a m'a kélnámakkok.

Eclesiastés 11:6

Eknekxa chá'a aqsok aktek axto'o, tén han taxnám, hakte mey'asagkehek yaqsa kexaha kataqmelek élánteyapma, amonye' apkeneykekxa essenhan ma'a axayo nak apkeneykekxa, essenhan tásek katnehek élánteyapma xa ánet nak.

Salmos 92:10

Eyánchessáseykegkók ko'o exchep sekyennaqte, ekweykenxal'a ekyennaqte m'a weyke kennawo', éxpaqhássessegkek nahan épátek ma'a sokmátsa nak.

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Salmos 112:3

Xámok sa' katnehek aqsok apagkok ma'a apxagkok, megkamassegwomek sa' chá'a aptémakxa memasma aqsok apagkok.

1 Samuel 2:30

Cháxa keñamak sektáha nak ko'o sekpeywa, sektáha nak Israel Dios apagkok, éltennassegkek axta ko'o exchep, tén han apnámakkok etnehek chá'a séláneykha, akke kaxwók ko'o ektáhak se'e: Magwohók sa' ko'o kaxwók kóllának xa aqsok nak, atnéssesek sa' ko'o ekha kéláyo m'a énxet apteme nak chá'a seyáyo, keñe sa' atnéssesek mékoho m'a sewanyémo nak chá'a. Cháxa sektáhakxa ko'o sekpeywa xa, sektáha nak Wesse'.

1 Samuel 2:1

Axta entáhak élmaxnagko Ana s'e: “Wesse' ahagkok, epeykessásekxók agko' ko'o exchep ewáxok, hakte egkeyásekxeyk makham axnagkok sekyennaqte. Ewanchek alyamatchesha m'a katnaha nak énámakkok hakte xép apteme sepasmo. ¡Payhékxeyk ko'o ewáxok!

Deuteronomio 24:13

kólmeyásekxak sa' chá'a m'a amonye' ektaxnól'a ekhem, yaqwayam sa' yaqlakpok chá'a m'a apchaqlamap nak apmako enxoho etyenek. Keñe sa' egkések ekxeyenma apwáxok kéxegke m'a, keñe sa' kéxegke tásek katnehek kéllane aqsok nápaqtók ma'a Dios Wesse' kélagkok.

Deuteronomio 15:11

Megkameykkehek sa' chá'a énxet meyke nak aqsok apagkok keso náxop, cháxa keñamak séltamho nak ko'o elmésagkok chá'a aqsok xép meyke apmeyágweykekxa m'a apchókxa xamo' nak apkellegeykegkoho meyke aqsok apagkok, tén han ma'a meyke agko' nak aqsok apagkok apheykha m'a apchókxa.

Isaías 32:8

Keñe m'a énxet ektaqmalma nak aptémakxa tásek chá'a katnehek élchetámeykha apwáxok aqsok apmáheyo elána', meyensemek nahan chá'a aqsok apmáheyo elána'.

Deuteronomio 15:14

elmésagkok sa' chá'a m'a apnaqtósso nepkések tén han apxámokma apagko' ma'a hótáhap apaktek tén han ma'a vino; elmésagkok sa' ma'a aqsok apagkok apkelmésso nak ma'a Dios Wesse' apagkok.

Salmos 92:11

Alanha sa' ko'o ektáhakxa aptekyawa m'a sélenmexma; ¡weyxhok sa' nahan élpayheykha apatña'ák eñama apkellegeykegkoho ekmáske m'a élmasagcha'a nak apkeltémakxa!

Salmos 111:3

Keltásek ma'a aqsok apkelane nak, éleymáxkoho nahan, megkamassegwomek aptémakxa ekpéwomo.

Proverbios 14:24

Énxet ekha nak apya'áseykegkoho aqsok, ekha kéláyo chá'a katnéssesek ma'a apmopwána nak aqsok; keñe m'a élyeyháxma nak, kólya'asagkohok chá'a aptamhéyak élyeyháxma.

Proverbios 21:26

yókxoho ekhem chá'a kaxénmakha apwáxok étak aqsok. Keñe m'a énxet appéwomo nak, egkések chá'a aqsok pók yetlo meyke apmeyágweykekxa'.

Eclesiastés 3:6

Yetneyk ekhem nenlenxáneykenxa', tén han nélwatéssamakxa'. Yetneyk ekhem nentaqmelchessamakxa', tén han negyamasmakxa'.