Salmos 112:10 - Biblia Enxet

¹⁰ Elwok chá'a apwet'a enxoho m'a ekmaso nak aptémakxa; eltakxek chá'a apma'ák eñama apteme mékoho. Kamassegwók sa' chá'a m'a aqsok apmáheyo nak chá'a elanagkok ma'a ekmaso nak apkeltémakxa.

Salmos 112:10 Referans Kwoze

Proverbios 11:7

Apketsekkek agkok énxet ekmaso nak aptémakxa', kamassegwók han ma'a apkelhaxneykha tén han ma'a ekxeyenma neykhe apwáxok éta'.

Proverbios 10:28

Ekpayheykekxa egwáxok yetnak apmonye'e peya nak elxawagkok ma'a énxet'ák élpéwomo nak apkeltémakxa'; keñe m'a énxet'ák élmasagcha'a nak apkeltémakxa', melxawagkek sa' ma'a aqsok apkelmopmenyého.

Salmos 86:17

Hexekmós ko'o xama aqsok yaqwayam eykpelkohok naqso' apteme seyásekhayo, keñe sa' elmegqágwakxak ektáha nak chá'a ko'o setaqnagko, apkelwet'a enxoho xa aqsok nak. ¡Wesse', epasmomchek xép, etaqmelchessáseykekxeyk ewáxok!

Salmos 37:12

Elánekxak chá'a aptamhágkaxa emáwhok etnéssessamhok exma ekmaso élmasagcha'a nak apkeltémakxa m'a énxet meyke nak apkeltémakxa, megyeksek chá'a elano', yetlo éllo apkelwáxok.

Job 8:13

Cháxa ektémakxa han ma'a élmasagcha'a nak apkeltémakxa, megkalxeyenma nak apkelwáxok Dios: megkatyepek ma'a aqsok apkelhaxnéyak.

Nehemías 2:10

Xama axta apleg'a Sambalat, aphama axta m'a Horón, tén han Tobías, apteme axta wesse' apwányam apkeláneykha amonita, axta kalchak apkelwáxok, hakte apkelwa'ak axta apmáheyo epasmok ma'a israelitas.

Job 20:7

máxa aqsok ekteyáseykha sa' eyke etnehek emassegwók, melya'asagkehek sa' nahan apmahágkaxa m'a apkelxegexma'a.