Salmos 11:6 - Biblia Enxet

⁶ Yahak sa' Wesse' egegkok átex, táxa tén han aqsok eyáléwomól'a m'a énxet'ák élmaso nak apkeltémakxa, yahak sa' éxchahayam yaqwayam sa' kalwatnek ma'a apyókxoho nak. ¡Ellegássesagkohok sa' Wesse' egegkok ekpayhawo nak etnéssesek!

Salmos 11:6 Referans Kwoze

Génesis 19:24

keñe axta Wesse' egegkok appalchesánto táxa, tén han aqsok ánek ekyátekto eyáléwomo nak, néten Sodoma tén han Gomorra;

Ezequiel 13:13

Cháxa keñamak sektáha nak ko'o sekpeywa s'e, sektáha nak Wesse': Neyseksa seklo sa' ko'o wának katyapok éxchahayam ekyennaqte agko' ekho samaxche'; neyseksa seklo sa' nahan wának kammék ekyawe agko' tén han katyamok yegmen élyennaqte ekho meteymog, yaqwayam sa' amasséssók apyókxoho yetlo seklo.

Salmos 75:8

Apmeykha Wesse' egegkok ma'a apyeta nak aplo, vino kélencheheykekxa nak ma'a aqsok égmenek kéltahakkasso. Apyegkenchek sa' agkok ma'a vino, émaksohok sa' énagkok ma'a apyókxoho élmasagcha'a nak apkeltémakxa apheykha nak keso náxop.

Job 20:23

Apkelenxanakmek sa' agkok elanaksek apwokmo, Dios sa' yahak aplo: yáhakkasseták sa' aplo.

Job 18:15

Kólwatnések sa' apxagkok; kólexpaqheykha sa' aqsok apagkok ma'a aqsok ánek ekyátekto eyáléwomól'a.

Habacuc 2:16

Kólmegqáwhok kélagko' sa' yaqwayam eykhe kóltéhek ekha kéláyo, hakte Wesse' egegkok sa' yagkok xama egheykok ma'a senlegassáseykegkoho nak, yaqwayam sa' kataxchek kélyókxa meyke apáwa, aqsok segmegqasso sa' katnekxak ma'a kéleymáxkoho.

Salmos 105:32

Apcháphassegkek axta yegmen élyennaqte, tén han táxa eyáléwe m'a apchókxa, keñe ekmámeye megyáphassama.

Isaías 51:17

Kaxatakha Jerusalén, kaxatakha', kampekxa néten. Legágkók xe' Wesse' egegkok aplo, máxa entáhak ma'a ekyena enxoho xama egheykok kélyeta m'a vino, yamásawók ekyena ekwokmoho eyaqha.

Salmos 16:5

Wesse', xép apwánxa apagkok segkésso aqsok eyeyméxchexa; apyánchessamók xép segkésso seyemleykekxoho, xép apmeykha sekyennaqte.

Isaías 51:22

Aptáhak Dios Wesse' kélagkok se'e ektáha axta apkelmasma m'a énxet'ák apagkok: “Eymentemekxak sa' ko'o kéxegke s'e egheykok élnápeykencha'a nak chá'a kélyeta m'a kañe'; megkólyenekxók sa' chá'a kaxwók ma'a egheykok kélyeta nak seklo.

1 Samuel 9:23

Keñe axta Samuel aptáha apcháneya m'a ektáha axta aphanma aqsok: —Esanta sa' ápetek sekmésso séltémo exchek etaqmelchesek.

1 Samuel 1:4

Apchaqhak axta agkok chá'a aqsok aptósso m'a Elcaná, keñe egkések han chá'a nekha ápetek ma'a Peniná, ekweykekxoho m'a apyókxoho étchek apkelennay'a tén han kelwán'ák nak,

Génesis 43:34

Apkeltamhók axta han kólagkok José m'a apto ekhéyak axta m'a mésa apagkok nak, Benjamín axta aqsa han awanhek kéléyak apto, axta kaxnók ma'a nápakha nak. Apyenchek axta xamók apyá José m'a apkelpepma nak; kelpayhekxeyk axta apkelwáxok.

Job 18:10

Kólpóshok sa' kelhanma m'a ámay apagkok nak, yaqwayam enxoho kamok ma'a apteyágwokmo enxoho.

Salmos 18:13

Kextegyawomchek axta appeywa Wesse' egegkok meyke nak Ekhémo m'a néten; neyseksa ektéyam yegmen élyennaqte, tén han átex éláléweyak.

Salmos 32:10

Xámok sa' katnehek apkellegeykegkoho m'a élmasagcha'a nak apkeltémakxa, kápok sa' eyke Wesse' egegkok apchásekhayo m'a aptáha nak chá'a mey'ásseyam.

Jeremías 13:25

Cháxa yaqwánxa katnehek kéxegke xa, Israel, cháxa ekpayhawo nak ko'o atnéssesek kéxegke xa. Ko'o sekxeyenma xa, sektáha nak Wesse'. Hakte megkaxénweykmok kélwáxok ko'o, kélásenneykekxeyk aqsa m'a aqsok kéleykmássesso élmowancha'a amya'a nak.