Salmos 11:4 - Biblia Enxet

⁴ Apheyk Wesse' egegkok ma'a tegma appagkanamap apagkok aptaqmalma nak. Appekkenmeyk aphamakxa Wesse' egegkok ma'a néten nak, apsawheykha exma apkeláneykencha'a ektémakxa apkelweynchámeykha énxet'ák.

Salmos 11:4 Referans Kwoze

Salmos 103:19

Appekkenmeyk aptaháno Wesse' egegkok ma'a néten, apsawheykekxók apteme Wesse' apwányam ekyókxoho aqsok.

Salmos 18:6

Ekwóneykha axta ko'o Wesse' egegkok ma'a ekyentaxnama axta setnamakxa', éltémok axta hepasmok Dios ahagkok, aplegayók axta ko'o sélmaxnagko m'a ekpayho nak tegma appagkanamap apagkok; ¡aplegayak axta sekwóneykha!

Salmos 2:4

Apkesméssek Wesse' egegkok apteme nak wesse' apwányam ma'a néten;

Habacuc 2:20

Apheyk Wesse' egegkok ma'a tegma aptaqmalma appagkanamap apagkok: ¡Kólwanmeyák nápaqto' kélyókxoho kélheykha nak ekyókxoho keso náxop!

Isaías 66:1

Aptáhak Wesse' egegkok se'e: “Néten ekteme sekhamakxa ko'o keñe xapop sélteyeykemxa. ¿Háxko kélwanchek héllanaksek ko'o xama tegma? ¿Háxko sa' kélwanchek héllanaksek ko'o séllókassamakxa sekyampe?

Jeremías 23:24

¿Yaqsa awanchek ko'o héxánegkesek? Eksawheykekxók ko'o néten tén han keso náxop, Ko'o sekxeyenma xa, sektáha nak Wesse'.

Salmos 33:13

Apkenmexeykentamok chá'a Wesse' egegkok ma'a néten, apkelwetayók nahan chá'a m'a apyókxoho énxet'ák;

Salmos 66:7

Apmopwána keñamak aptéma wesse' apwányam meyke néxa; meyenyókáseykha apaqtek apkeláneykencha'a m'a apkelókxa nak, yaqwayam enxoho melenmexekxék ma'a énxet'ák apkelenmexeykekxoho nak chá'a.

2 Crónicas 16:9

Apkeláneykha Wesse' egegkok ekyókxoho ektémakxa nak chá'a keso nélwanmeygkaxa, yaqwayam egkések chá'a apkelyennaqte m'a ektáha nak chá'a apcháyo ekmámnaqso' agko'. ¡Máxa ekyeyháxma eyke aptáhak xép aptáha kaxwo' xa ektáha nak! Katepagkok sa' eyke exchep kaxwók apkempakhamap.”

1 Crónicas 17:5

Hakte maxmak ko'o makham xama enxoho m'a tegma apkelánamap nak, wánxa aqsa sekhama m'a tegma apketkok kélpakxenwayam nak chá'a mók nekha, eyeynamo m'a sekxók axta sélántekkessama m'a énxet'ák Israel, ekwokmoho makham se'e kaxwo' nak.

Proverbios 15:3

Apkeláneykha Wesse' egegkok ekyókxoho keso náxop, elanha chá'a m'a énxet'ák éltaqmalma nak apkeltémakxa', tén han ma'a élmasagcha'a nak apkeltémakxa'.

Zacarías 2:13

¡Kólwanmeyák sa' kélyókxoho nápaqtók Wesse' egegkok, hakte apwayak negyeseksa apkeñama m'a kañe' ekpagkanamaxchexa, aphamakxa nak chá'a!

Jeremías 17:10

Ko'o sélányo chá'a apwáxok énxet, sektáha nak Wesse', tén han sekya'áseykegkoho chá'a m'a kañók agko' nak élchetámeykegkaxa apwáxok; tén han sekméssamól'a chá'a xama m'a ekpayhawo nak chá'a atnéssesek sellegassáseykegkoho, cham'a ektémakxa nak chá'a aqsok apkeláneyak.”

Salmos 44:21

ey'asagkohok axta exchep, hakte apya'ásegkok xép ektémakxa nak ekpaqméteykha kañók agko' apwáxok énxet.

Salmos 9:11

Kólmeneykmásses negmeneykmasso Wesse' egegkok, apteme nak wesse' apwányam ma'a Sión; kóllegés énxet'ák ma'a aqsok apkelane nak.

Miqueas 1:2

Kóleyxho sa' se'e, énxet'ák kélyókxoho nak; kóltaqmelchesho sa' kélháxenmo s'e kélyókxoho kélheykha nak ekyókxoho apchókxa: Elxénchásekxohok sa' kéltémakxa kéxegke Wesse' egegkok ma'a aphakxa nak tegma appagkanamap aptaqmalma apagkok.

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.

Salmos 14:2

Apkeláneykha chá'a Wesse' egegkok énxet'ák ma'a aphakxa nak néten, yaqwayam enxoho éta', yetneyk kexa énxet apya'áseykegkoho aqsok, apketamso nak chá'a Dios.

Salmos 113:5

Méko ekhawo m'a Dios, Wesse' egegkok, aptéma nak Wesse' apwányam ma'a aphakxa nak néten;

Salmos 139:23

Oh Dios, elano sektémakxa ékpelkoho ewáxok; hépkeyn, ey'asagkoho élchetamso ewáxok;