Salmos 103:3 - Biblia Enxet

³ Cha'a meyaqmagkáseykekxa ko'o ekyókxoho may'assáxma m'a, tén han setaqmelchesseyam ekyókxoho sekháxamáxche',

Salmos 103:3 Referans Kwoze

Éxodo 15:26

Aptáhak axta apkeláneya s'e: “Kélhaxnawók agkok chá'a kéxegke meyke kéltawásseyo kóleyxhok ma'a sektáhakxa enxoho chá'a séláneya, ko'o sektáha nak Wesse' Dios kélagkok, tén han kéllana enxoho chá'a m'a ekpeykeseykekxoho nak chá'a ko'o ewáxok, kélyahákxoho enxoho nahan chá'a m'a séltémókxa nak chá'a kóltéhek, tén han kéllana enxoho chá'a m'a segánamakxa ahagkok nak, magwáphaksek sa' ko'o xama enxoho m'a aqsok ekmaso nenlegeykegkoho, seyáphasa axta ko'o nepyeseksa m'a egipcios, hakte ko'o sekteme Wesse', ektáha nak chá'a apkelmeyáseykekxa kélyennaqte kéxegke.”

Isaías 53:5

Nentémakxa ekmaso neykékhel'a keñamak kélyensáseykencha'a, nentémakxa élmasagcha'a neykékhel'a keñamak aplegeykegkoho ekmáske; egméssek meyke ektáhakxa egwáxok ma'a ektémakxa axta kéllegassáseykegkoho, apkelyense keñamak néltaqmelwokmo.

Salmos 30:2

Dios Wesse' ahagkok, élmaxnakkek axta exchep séltamho hepasmok, tén setaqmelchessekmo han;

Jeremías 17:14

Wesse' hetaqmelchessem ko'o, keñe sa' ataqmelwók; hewagkas ko'o teyp, keñe sa' awagkasaxchek teyp, hakte xeyep apwánxa apagkok chá'a sélpeykessamo.

Salmos 147:3

Eltaqmelchessásekxak chá'a apkelwáxok ma'a élyentaxno nak apkelwáxok, elpextehetchesagkok han chá'a m'a apkelyense.

Isaías 43:25

“Ekmasséssek eyke aqsa ko'o m'a aqsok ekmaso nak apkelane eñama sekteme Dios apagkok, megkaxénwakxók sa' chá'a ewáxok ma'a mey'assáxma nak.

Números 12:13

Tén axta Moisés aptáha appaqhetchesa Wesse' egegkok se'e: “O Dios, éltamhók ko'o exchep etaqmelchessók.”

Salmos 130:8

¡Sa' emallahanchesek Israel ekyókxoho melya'assáxma m'a!

2 Samuel 12:13

Keñe axta David aptáha apcháneya Natán: —Éláneyak ko'o may'assáxma nápaqtók Wesse' egegkok. Keñe axta Natán aptáha apchátegmowágko: —Meñássesagkók sa' eyke exchep Wesse' egegkok aptémakxa mey'assáxma, megyetsepek sa' han.

Isaías 33:24

Méko sa' xama énxet etnehek appeywa s'e: “Ekháxexcheyk ko'o.” Meyaqmagkásekxeyk sa' mók Dios melya'assáxma m'a énxet'ák apheykha nak Sión.

Éxodo 34:7

Megkeytyapwágwayam nak sélásekhayo m'a apyókxoho énxet, tén han mayaqmagkáseykekxa nak apkeltémakxa ekmaso, tén han sélenmexeykha, tén han megkólya'assáxma; magwohok eyke aqsa chá'a eweynchamha meyke seklegassáseykegkoho m'a énxet ektáha enxoho chá'a apsexnánémap, allegássesagkohok chá'a eñama apkeltémakxa élmasagcha'a m'a apyapmeyk apketchek tén han ma'a aptawán'ák nak, ekweykekxoho m'a apketchek aptawán'ák nak.

Salmos 41:8

Etnehek chá'a elpaqmétek se'e: “Kelyekhama' keñamak ekmésso apháxamap; apyetneyk kaxwo', mexnágwomek néten.”

Salmos 86:5

Wesse', tásek xép awáxok, meyaqmagkásekxeyk nahan nentémakxa; elásekhohok chá'a exchep ma'a apwóneykha nak chá'a.

Salmos 130:4

Meyaqmagkásekxeyk eyke exchep nentémakxa, yaqwayam enxoho agáwhok chá'a.

Isaías 38:17

Yaqmagákxeyk kaxwók meyke ektáhakxa ewáxok ma'a eklegeykegkoho nak ewáxok. Emágweykekxeyk xép ketók sekteyeykemxa m'a máxek segmassesseykmoho nak, hakte meyaqmagkáseykekxak mók ekyókxoho m'a may'assáxma.