Salmos 102:9 - Biblia Enxet

⁹ Táhap aqsa ektók, matók ma'a nento nak chá'a; kenchahamaxchekxeyk ahaqta'ák égmen'ák ma'a sekya nak,

Salmos 102:9 Referans Kwoze

Salmos 42:3

Yókxoho ekhem ko'o sélekxagweykha tén han yókxoho axta'a, yókxoho ekhem kélteme sélmaxneyeykha s'e: “¿Háxko aphakxa Dios apagkok?”

Salmos 80:5

Nento aptemessáseykekxak ma'a egaqta'ák égmen'ák nak; negyá han aptemessáseykekxa'.

Miqueas 7:17

¡Elyaqmelmakha sa' xóp ánek ektémól'a yéwa, tén han ektémól'a m'a mók aqsok élpexyaweykegkoho nak náxop kalxog! ¡Elpexyennók sa' elántépok ma'a apxanák nak, yetlo apkelyegwakto ekyawe agko' sa' elyo'ókxak xép, Dios Wesse' egagkok!

Miqueas 1:10

Nágkóltennés aqsa énxet'ák apheykha nak Gat xa; nágkóllekxagwaha aqsa. Kólpexyawha sa' aqsa kóllegagkohok ekmáske m'a yagkamex nak Bet-le-afrá.

Isaías 44:20

Máxa apteykegko enxoho táhap xa. Apchahayók élyexancháseykencha'a m'a ektémakxa nak élchetámeykha apkelwáxok megkamámnaqsoho. Mopwanchek elwagkasakpok teyp xa énxet'ák nak. Mopwanchek elyekpelkohok apkelmeykencha'a m'a ektémakxa nak apkelmopwancha'a amya'a.

Salmos 69:21

Pánaqte segaqhamo chá'a hénchahassásekxak sekto, hem agkok han chá'a eyaqhak, heyagkok chá'a m'a aqsok égmenek ekmáske amnáye nak.

Job 3:24

Sélekxagweykha tamheykekxak ma'a sekto nak; seklegeykegkoho ekmáske tamheykekxak ma'a sekya nak.

Salmos 42:11

¿Yaqsa katnehek ko'o kayaqhapwomhok ewáxok? ¿Yaqsa katnehek ko'o katneykha ewáxok? Élhaxanmeyk eyke aqsa m'a Dios, cham'a peya nak ko'o alenxanmohok sélpeykessamo. ¡Cha'a apteme ko'o Dios ahagkok ma'a, tén han Sewagkasso teyp!