Salmos 102:17 - Biblia Enxet

¹⁷ aphaxneykxoho sa' makham apkelmaxneyéyak ma'a meyke nak ekpasmo, apma sa' makham takha' m'a aqsok apkelmaxneyeykha.

Salmos 102:17 Referans Kwoze

Nehemías 1:6

éltamhók ko'o yeyxhok sélmaxnagko, sélmaxnéssesso nak chá'a yókxoho ekhem tén han yókxoho axta'a m'a apkeláneykha, cham'a israelitas. Ekya'ásegkók ko'o nenláneykegko mólya'assáxma nápaqtók xép, negko'o nentáha nak israelitas; ¡weykmok han ekheykha nak exagkok éláneyak megkalya'assáxma!

Salmos 72:12

Hakte elwagkasek sa' chá'a teyp meyke nak aqsok apagkok, apkelwóneykha nak chá'a, tén han ma'a ekhakxa nak chá'a eyeyméxchexa aqsok, meyke nak chá'a ekpasmo.

Salmos 22:24

Hakte mewanyók chá'a énxet apkelmopyóseka nak ma'a, megkatnehek chá'a melányo m'a ektémakxa nak apkellegeykegkoho, méxánegkesek han. ¡Yeyxhok chá'a apkeltamho enxoho epasmok!

Salmos 9:18

megkatnehek sa' chá'a megkaxeyenma kélwáxok ma'a meyke nak aqsok apagkok, megkatnehek sa' chá'a eyaqhémo m'a ektémakxa nak apkelhaxneykha.

Deuteronomio 32:36

“Epasmok sa' énxet'ák apagkok Wesse' egegkok ma'a apwet'a sa' ekmassa apkelyenna. Apyósekak sa' elanok apkeláneykha Wesse' egegkok ma'a apwet'a sa' megyeymékpo xama m'a kélásenneykha nak tén han ma'a metnaha nak kélásenneykha,

Deuteronomio 4:29

Kélchetamchek sa' agkok Dios Wesse' kélagkok ekweykmoho kañók agko' kélwáxok tén han ekweykmoho kélyennaqte neyseksa kélheykha m'a, kólwetekxak sa'.

Nehemías 1:11

Wesse', éltamhók exchep yeyxhok sélmaxnagko, tén han apkelmaxneyéyak ma'a apkeláneykha, apkelmopmenyého nak chá'a etnehek apcháyo exchep. Éltamhók han hegkések yaqwayam katyapok ma'a aqsok sekmámenyého, yaqwayam enxoho kataqmalmakha apwáxok hélanok ko'o m'a wesse' apwányam.”

Salmos 69:23

¡Yána katnahagkok meyke apaqta'ák, tén han kalpexyennamok apyay'ák meyke néxa!

Nehemías 2:20

Axta ektáhak ko'o seyátegmowágko s'e: —Dios apha nak néten sa' hentaqmelchessesek negko'o ekteyapma aqsok nenlane. Ageynhok sa' negko'o nenláneykekxa tegma, negko'o nentáha nak apkeláneykha, méko xapop kélagkok kéxegke s'e, megkapayhawok kaxének kélwáxok Jerusalén.

Salmos 147:2

Apxátekhásekxeyk Wesse' egegkok Jerusalén, apchánchesákxeyk han ma'a israelitas kélexpánchesso axta kélya'asso megkatnahakxa apkelókxa.

Isaías 40:5

Keñe sa' exekmósek apcheymákpoho m'a Wesse' egegkok, elwetak sa' apyókxoho énxet meyke apkeymomap. Wesse' egegkok apagko' apxeyenma xa.”

Isaías 44:26

Wánhok eyke chá'a ko'o katyapok aptáhakxa enxoho apkelpeywa m'a séláneykha nak, wánhok nahan kataqmelek chá'a ekteyapma aqsok apmáheyo elanagkok ma'a sélápháseykha nak chá'a. Ekxénchek ko'o peya exnekxak makham énxet ma'a Jerusalén tén han peya kóllánekxak makham ma'a tegma apkelyawe nak Judá. Wának sa' ko'o kólnaqxétekhasagkokxak makham ma'a appalleyam nak.

Jeremías 31:38

Aptáhak Wesse' egegkok se'e: “Kammok sa' ekhem yaqwayam kólxátekhásekxak makham ma'a tegma apwányam ahagkok, eyeynamo m'a tegma netno' nak Hananel, ekweykekxoho m'a ekwesey nak Átog Máséyak.