Salmos 102:10 - Biblia Enxet

¹⁰ eñama exchep aplo, tén han setaqnagko, ey'assegkek néten yaqwayam heyenyók.

Salmos 102:10 Referans Kwoze

Salmos 38:3

Aplo keñamak eklegágkoho sekyókxa, méko ektaqmelakxa enxoho exchakkok, eñama may'assáxma

Salmos 147:6

Elheyásekxak chá'a néten Wesse' egegkok ma'a meyke nak éleymáxkoho apkelwáxok, elyaqhápenták eyke chá'a náxop ma'a élmasagcha'a nak apkeltémakxa.

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Lamentaciones 1:18

Apkeláneyak Wesse' egegkok ma'a ekpayhawo nak elána', hakte énmexeykekxeyk ko'o m'a apchánamakxa nak antéhek. ¡Énxet'ák, kóleyxho sekpeywa kélyókxoho nak; kóllano ektémakxa seklegeykegkoho! ¡Apkelmomakpek ma'a wokma'ák ahagkok tén han kelán'a étkók, kélnaqleykekxo megkatnahakxa élókxa'!

Salmos 39:11

Elánekxések chá'a exchep apkeltémakxa énxet'ák, ellegássesagkohok eñama apkeltémakxa melya'assáxma, xapop chá'a etnessásekxak ma'a aqsok negásekhayo egagko' nak chá'a. ¡Apyókxoho énxet apteme máxa éxchahayam!

Salmos 38:18

¡Axének sa' ko'o may'assáxma, hakte tawáseykha élchetamso ewáxok!

2 Crónicas 25:8

Apyepetchásekxeyk sa' agkok sẽlpextétamo apagkok yaqwayam epasmok yempakhak xa énxet'ák nak, Dios sa' yának xép emok ma'a apkelenmexma nak, hakte apmeyhek Dios hempasmok, tén han hegmasséssók.

Salmos 42:4

Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!