Salmos 102:1 - Biblia Enxet

¹ Wesse', yeyxho sélmaxnagko, ¡yoho kawakxohok sekwóneykha m'a aphakxa nak!

Salmos 102:1 Referans Kwoze

Salmos 18:6

Ekwóneykha axta ko'o Wesse' egegkok ma'a ekyentaxnama axta setnamakxa', éltémok axta hepasmok Dios ahagkok, aplegayók axta ko'o sélmaxnagko m'a ekpayho nak tegma appagkanamap apagkok; ¡aplegayak axta sekwóneykha!

Salmos 61:2

Ekwóneyha ko'o exchep ma'a makhawók agko' nak xapop, hakte yelqáxcheyk ewáxok. Hexnés ko'o netnók agko' nak meteymog, yaqwayam sa' megkatnégwomók exma sekha,

Salmos 39:12

“Wesse', yeyxho sélmaxnagko, ¡etaqmelchesho apháxenmo sélekxagweykha! ¡ná ewanma aqsa elanok ahaqta'ák égmen'ák nak! Ko'o sekteme sekwe yaqwatakxoho nápaqto' xép, ektémól'a m'a náta ekwél'a yaqwatakxoho, ektéma axta m'a ẽlyapmeyk nano'.

Éxodo 2:23

Kelyekheykegkek axta nahan ekhem, tén axta apketsapa nahan ma'a wesse' apwányam Egipto, keñe axta m'a israelitas, maxta elwáteseykegkok apkelpaqméteykha élleklámeykegko m'a ektémakxa kélásenneykha naqsa, hakte yentexek axta m'a ektémakxa apkeltamheykha. Aplegayók axta nahan Dios ma'a ektémakxa apkelápagqánamap,

Lamentaciones 3:44

Apcháhakkásamákpek yaphope yaqwayam enxoho meñék nélmaxnagko.

Lamentaciones 3:8

élpáxameykha axta eykhe séltémo hepasmok, axta eyke yaháxenmok sélmaxnagko;

Salmos 143:7

Wesse', ¡heyátegmowák heykxa', hakte yelqáxcheyk ko'o ewáxok! Ná etne mehelányo, axhok katnehek ma'a apkeletsapma nak.

Salmos 143:4

Yelqáxcheyk agko' ewáxok; tawáseyha ewáxok may'áseyak sektáhakxa.

2 Crónicas 30:27

Tén axta apkelchampákxo néten ma'a apkelmaxnéssesso Dios énxet'ák apagkok tén han levitas, apkelmaxnéssesa aqsok éltaqmela m'a énxet'ák; aphaxnawok axta han ma'a Wesse' egegkok, wákxók axta han néten ma'a apkelmaxneyéyak, aphakxa nak ma'a Dios appagkanamap.

1 Samuel 9:16

“Saka sa' wáphássesek xama énxet apkeñama yókxexma Benjamín, keso ekwánxa nak ekhem, peya sa' epagkanek xép yaqwayam etnéssesek apkemha apmonye' apkeltaqmelchesso énxet'ák ahagkok Israel. Sa' elmallahanchesek neyseksa apkelma m'a filisteos, hakte apyósekak ko'o sélányo m'a énxet'ák ahagkok, seklegaya sewóneykha apkeltémo apasmok.”

Jueces 10:16

Tén axta israelitas apkexeygko m'a aqsok kéláyókxa éleñama nak mók nekha, yaqwayam elpeykeshok makham ma'a Wesse' egegkok. Massék axta ekyenna apwáxok Wesse' egegkok apkelano ektémakxa apkellegeykegkoho chá'a m'a israelitas.

Salmos 145:19

Elanaksek chá'a aqsok apkelmopmenyého m'a ektáha nak chá'a apcháyo; apkelmaxnakkek agkok chá'a yának epasmok, yeyxhok chá'a, keñe elwagkasek chá'a teyp.

Salmos 77:3

Xénchek agkok chá'a ko'o ewáxok Dios, awónek chá'a; kalchetmok chá'a ewáxok, keñe ayelqaxche' chá'a.

Salmos 62:8

¡Énxet'ák ahagkok, nágkólya'ássem chá'a Dios! ¡Kóltennés chá'a ekyókxoho ektáhakxa kélwáxok! ¡Dios apteme negko'o segmasma!

Salmos 42:4

Xénwákxók agkok chá'a ko'o ewáxok xa aqsok nak, mamágwakxeyk chá'a kalekxagwaha ewáxok. Kaxénwakxohok chá'a ewáxok sélyetlama chá'a énxet'ák, seknaqleykekxo axta chá'a Dios tegma appagkanamap apagkok, yetlo nélwehéseykha élpayheykekxa egwáxok, tén han negmésso ekxeyenma egwáxok Dios. ¡Awanhek axta chá'a katnehek élpayheykekxa egwáxok!

Salmos 12:5

Aptáhak appeywa Wesse' egegkok se'e: “Kélnaqtawáseykegkók ma'a meyke nak aqsok apagkok, kéllegassáseykegkók ma'a apkelyelqamákpoho nak. Cháxa keñamak peya nak ko'o wampekxak néten, apasmok sa' ekhawo ektémakxa nak chá'a apkelmopmenyého.”