Salmos 101:8 - Biblia Enxet

⁸ Yókxoho ekhem sa' chá'a amasséssók negókxa m'a apyókxoho élmasagcha'a nak apkeltémakxa; ¡alántekkesek sa' chá'a Wesse' egegkok tegma apwányam apagkok ma'a apyókxoho apkeláneykegkoho nak chá'a aqsok ekmaso!

Salmos 101:8 Referans Kwoze

Salmos 75:10

hakte emasséssessók sa' ektémakxa nak apkeleymákpoho m'a élmasagcha'a nak apkeltémakxa, eyánchessessamhok sa' eyke apmopwána m'a énxet ektaqmalma nak aptémakxa.

Proverbios 16:12

Eltaqnawhok kelwesse'e apkelwányam ma'a nentémakxa ekmaso nak, hakte ekpéwomo nenlanekxésso amya'a énxet'ák ekyennaqtésso m'a aptémakxa nak wesse' apwányam.

Proverbios 20:8

Aphakmek agkok wesse' apwányam ma'a aptaháno segyekpelchémókxa nak, xama apkelányo aqsa etnehek ékpelkohok ma'a aqsok ekmaso nak.

Salmos 48:8

Egaqta'ák egagko' axta negko'o negwet'ak ma'a ektémakxa axta sẽltennáseykha, cham'a tegma apwányam apagkok nak Dios egagkok, Wesse' egegkok ekha nak apyennaqte, ¡apmáheyo chá'a elanha Dios meyke néxa m'a Jerusalén!

Miqueas 3:9

Kóleyxho sa' kaxwo' se'e, kelwesse'e, tén han apkelámha apmonye'e nak Israel, kéltaqnagko nak chá'a m'a nentémakxa ekpéwomo, kélyetnakhásseyam nak chá'a ekyókxoho m'a aqsok ekpéwomo nak,

Oseas 9:3

Emyekxak sa' makham Efraín ma'a Egipto, Etáswakxak sa' nento élmanyása m'a Asiria. Mexnakha sa' kaxwók ma'a Wesse' egegkok apchókxa nak:

Proverbios 20:26

Elántekkesek chá'a aphakxa wesse' apwányam apya'áseykegkoho nak aqsok ma'a élmasagcha'a nak apkeltémakxa, elteyágkasek chá'a aqsok amnek.

Salmos 48:2

¡Tásók agko' nak la'a m'a egkexe netno' nak Sión, cham'a ekpayho nak nexcheyha! ¡Cha'a élpeykessáseykekxa chá'a apwáxok apyókxoho énxet'ák apheykha nak keso náxop! Wesse' apwányam tegma apwányam apagkok ma'a.

Salmos 46:4

Yetneyk xama wátsam ekpeykessáseykekxo nak apwáxok Dios tegma apwányam apagkok, tegma apkelyawe apkelpagkanamap apagko', apagkok nak ma'a Dios Meyke Ekhémo.

Salmos 92:10

Eyánchessáseykegkók ko'o exchep sekyennaqte, ekweykenxal'a ekyennaqte m'a weyke kennawo', éxpaqhássessegkek nahan épátek ma'a sokmátsa nak.