Salmos 101:3 - Biblia Enxet

³ magwohok sa' ko'o keytek nahaqtók xama aqsok ekmaso. Altaqnaweygkohok chá'a ko'o m'a apkelyenseyam nak chá'a apkelyetleykha Dios; ¡magwohók sa' chá'a hépetchegwohok xama enxoho!

Salmos 101:3 Referans Kwoze

Salmos 119:37

Nágyoho ko'o katsapok egkenyek alanok ma'a aqsok mékoho nak; ¡hegkés sekyennaqte, yaqwayam enxoho eytlók ma'a ámay apagkok nak!

Job 31:1

Ewáxok ahagko' axta ko'o ekxeyenmak megkatsepek chá'a egkenyek alanok kelán'a étkok.

Proverbios 6:25

Nágkatsep apnények ma'a ektémakxa nak ektaqmalma; ¡nágyoho kamok apwáxok ma'a ektémakxa nak élátseykha aqta'ák!

Salmos 40:4

¡Apkeleñémo énxet apteme nak mey'ásseyam Wesse' egegkok, mepaxqeykha nak énxet'ák éleymáxkoho apkelwáxok, tén han melpeykessamo nak chá'a aqsok kéláyókxa élmowancha'a amya'a nak!

Éxodo 20:17

“Nágkatsep apnények elanok ma'a pók apxagkok: nágkatsep apnények elanok ma'a aptáwa' nak, tén han ma'a apkeláneykha nak, tén han ma'a kelwána apkeláneykha nak, tén han ma'a weyke aptósso nak, yámelyeheykok, tén han ma'a ekyókxoho aqsok ektáhakxa enxoho apagkok ma'a pók.”

Deuteronomio 15:9

Nágyoho chá'a katnehek élchetamso apwáxok ekmaso s'e: ‘Chágketwokmek siete apyeyam, kélmasséssamakxa nak aqsa chá'a negméyak aqsok’, melanók sa' chá'a exchep étak ma'a apchókxa xamo' nak, meyke nak aqsok apagkok, memássesha sa' nahan chá'a xama aqsok enxoho; apwóneyha sa' agkok Wesse' egegkok eltennaksek aptáhakxa exchep xa énxet nak, keñe sa' xép kaphemmok apkelane mey'assáxma.

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Eclesiastés 6:9

Tásek ma'a aqsok negweteyo nak, megkaxnawok ma'a ekxeyenma nak aqsa chá'a egwáxok agweta'. Aqsok mékoho eyke han xa, máxa negmáheyo nak agmagkok éxchahayam.

Josué 23:6

“Kólwasqápekxoho kóllának ekyókxoho m'a ektémakxa nak ekpeywa m'a Moisés segánamakxa apagkok; kóllána meyke kéláyam xama enxoho.

Salmos 119:113

Altaqnawhok ko'o m'a énxet'ák apkelmopwancha'a amya'a nak, eyásekhayók eyke ko'o m'a nélxekmowásamáxche apagkok.

Salmos 78:41

Épkeynekxak axta aqsa chá'a; ¡apyentaxnéssessegkek axta apwáxok ma'a Appagkanamap nak Israel!

Salmos 14:3

Apyókxoho eyke apkelmeheykegkok ma'a eyesagkexa nak ámay; apyókxoho apagko' apnaqtawásamákpok. ¡Méko xama enxoho apkelane aqsok ektaqmela! ¡Méko xama enxoho!

Éxodo 32:8

Yahamók agko' apyensakmo apkelyetlo m'a ámay séltémókxa axta ko'o elyetlók. Apkelánegkek xama weyke kennawók étkok kéleykmássesso m'a sawo ekyátekto ekmomnáwa kélháneykekxa nak kélpeykáseykekxa, apkelpeykásawók nahan, apkelsákxéssek nahan ma'a aqsok apkelmésso naqsa apagkok; aptáhak nahan chá'a apkelpaqmeta s'e: ‘¡Israel, keso dios apagkok se'e, ektáha axta aptekkesso m'a Egipto!’

Miqueas 2:2

Katsapok chá'a apnegya'ák elanok xapop, keñe elmok chá'a; katsapok chá'a apnegya'ák elanok tegma, keñe elmenyexek chá'a. Enaqtawasagkohok chá'a énxet yetlo apnámakkok, cham'a ektáha nak chá'a apagkok xapop, tén han ma'a aqsok apkelxaweykekxa nak.

Isaías 33:15

Énxet apkelane nak chá'a aptémakxa ekpéwomo apxeyenma nak chá'a aqsok ekmámnaqsoho, mexámáséyak nak aqsok apagkok eñama apyennaqteyáseykha apyempehek, memà nak kólmések ma'a aqsok kélmésso naqsa, tén han melyeheykekxa nak chá'a yáneykpok elának ma'a aqsok ekmaso agko' nak tén han megkamopmenyého nak chá'a elanok ma'a aqsok ekmaso,

Isaías 30:11

Kólyensem kélyetlo s'e ámay nak, kólyetnakhágwom se'e ámay ekpéwomo nak, náhenxekmósseta kaxwók negko'o m'a Dios Aptaqmalma nak ma'a Israel.”

Salmos 39:1

Ekxeyenmeyk axta ko'o alanagkohok sektémakxa, tén han mehélanaksek may'assáxma m'a sekpeywa, tén han amágwakxak chá'a sekpeywa, apchaqnáncha'a enxoho chá'a emonye' m'a élmasagcha'a nak apkeltémakxa.

Salmos 125:5

exnésho apteméssessamakxa nak chá'a élmasagcha'a apkeltémakxa m'a apkelyetleykekxa nak chá'a ámay ekmaso. ¡Keytek sa' chá'a meyke ektáhakxa negha m'a Israel!

Salmos 97:10

Yásekhohok Wesse' egegkok ma'a aptaqnagko nak aqsok ekmaso; emyók han chá'a m'a melyenseyam nak chá'a apkelyetleykha; megyohok chá'a emok ma'a élmasagcha'a nak apkeltémakxa.

Salmos 78:57

aphémók axta m'a apyapmeyk nano', apkelyamasmeyk axta, apkelyenseykmek axta han apkelyetleykekxa; apkeltaqhegweykmek axta, máxa axta m'a yágke ekyetnakhágwayam la'a ekxega!

Salmos 36:3

Asagkók chá'a katnehek appeywa, apmopwána amya'a han, massegkek apya'áseyak exma, apkelwátessegkek apkelane aqsok ektaqmela.

1 Samuel 15:11

—Chaqhegkek ewáxok sekteméssessama wesse' apwányam ma'a Saúl, hakte eyamasmeyk ko'o, melaneyk han ma'a séltémókxa axta etnehek. Yetnakhassamók agko' axta apwáxok Samuel, yókxoho axta'a axta apkelmaxnagko Wesse' egegkok.

Deuteronomio 13:17

“Nágkólmekxa aqsa kéxegke xama enxoho m'a aqsok élxénamaxche nak kólmasséssók, keñe sa' meltaqnaweygkehek chá'a kéxegke m'a Wesse' kélagkok; kélyósekak sa' chá'a elano', exámásekxak sa' nahan, ekhawo m'a apkeltennassama axta etnéssesek ma'a kélyapmeyk nanók axta kéxegke,

Salmos 41:9

Weykmók sénmexeykekxo m'a sekxegexma seyásekhayo nak, magwéssama axta chá'a aqsok ahagkok, sektómo axta chá'a xamók sekto.

Salmos 139:22

¡Altaqnawhok ahagko' ko'o m'a! ¡Sélenmexma ko'o m'a!

Proverbios 6:12

Etekkesha chá'a apmopwána amya'a m'a énxet ekmaso nak aptémakxa', tén han ma'a énxet ekyeyháxma nak;

Proverbios 6:13

etenchesha chá'a apaqtek, exekmósagkok han chá'a apmenek, tén han apophék;

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Zacarías 8:17

nágkólteméssessamho chá'a exma ekmaso kélmók, nágkólmes nahan chá'a kélpeywa kélmowána amya'a. Hakte megkalchek ko'o ewáxok ekyókxoho xa ektéma nak. Ko'o sekxeyenma xa, sektáha nak Wesse'.”