Salmos 100:5 - Biblia Enxet

⁵ Hakte Wesse' egegkok apteme ektaqmalma apwáxok; megkamassegwomek chá'a segásekhayo, méko néxa m'a ektémakxa mehegyenyaweykha.

Salmos 100:5 Referans Kwoze

Salmos 106:1

¡Aleluya! Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

Salmos 107:1

Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

Salmos 86:5

Wesse', tásek xép awáxok, meyaqmagkásekxeyk nahan nentémakxa; elásekhohok chá'a exchep ma'a apwóneykha nak chá'a.

Salmos 36:5

Wesse', weykmók eyke exchep segásekhayo m'a néten, weykmók ektémakxa mehenyenyaweykha m'a yaphope ekyápaqmate nak.

Jeremías 33:11

kélmeneykmasso kélessawássessamo, tén han ekpayheykekxa egwáxok, tén han kélmeneykmássesso nak élyamhopma. Kañexchek sa' makham katnehek se'e: Kólmés ekxeyenma kélwáxok Wesse' ekha nak apyennaqte, hakte Wesse' egegkok apteme ektaqmalma apwáxok, megkamassegwomek chá'a segásekhayo. Elsanták sa' aqsok apkelmésso naqsa m'a tegma appagkanamap apkelmésso nak chá'a élxeyenma apkelwáxok. Naqso', ayaqmagkassesek sa' ko'o mók ektémakxa s'e apchókxa nak, yaqwayam sa' katnekxak makham ma'a ektémakxa axta nano'. Ko'o sekxeyenma xa, sektáha nak Wesse'.”

1 Crónicas 16:34

“Kólmés ekxeyenma kélwáxok Wesse' egegkok, hakte tásek apwáxok ma'a, megkamassegwomek chá'a segásekhayo.

Salmos 103:17

Megkamassegwomek eyke chá'a apkelásekhayo Wesse' egegkok ma'a ektáha nak chá'a apcháyo; megkatnégwomek chá'a néxa aptaqmelchessáseykekxa apheykha apyókxoho m'a aptawán'ák neptámen nak,

Nahúm 1:7

Tásek apwáxok ma'a Wesse' egegkok; negyepetchegweykekxexa m'a ekwa'a enxoho ekmaso negha: eltaqmelchesek chá'a m'a apteme nak melya'ásseyam.

Salmos 119:68

Tásek xép apwáxok, aqsok ektaqmela nahan chá'a elána'; ¡hélxekmós ko'o segánamakxa apagkok!

2 Crónicas 5:13

Apyókxoho axta han appasmeykxak apkelpáwasa m'a apkelaqkahasso, appasmeykxeyk axta apkelmeneykmasa yaqwayam elpeykeshok Wesse' egegkok, tén han egkések ekxeyenma apkelwáxok, apkelpáwassek axta apkelaqkahasso, tén han ma'a apkelaqtáwasso nak élyaqye, tén han ma'a mók ektémakxa nak kélpáwasso, neyseksa apteme apkelmeneykmasso s'e: “Kólpeykesho Wesse' egegkok, hakte tásek apwáxok ma'a, megkamassegwomek han segásekhayo.” Yetlókok axta han eklánegwe yaphope m'a Wesse' egegkok tegma appagkanamap apagkok nak,

Salmos 107:22

Kólmés kélnaqtósso kélnapma kélmésso nak ekxeyenma kélwáxok, kólxén yetlo ekpayheykekxa kélwáxok ma'a aqsok apkelane nak.

Salmos 107:8

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 85:10

Keypetchekxak sa' segásekhayo m'a ektémakxa nak mehegyenyaweykha, kapathétekxak sa' mók ma'a meyke ektáhakxa nak negha, tén han ekpéwomo nentémakxa,

Esdras 3:11

Nápakha axta chá'a apkelmeneykmásak apkelpeykásawo, keñe axta han nápakha aptáha chá'a apkelátegmowágko s'e: “Kólmés ekxeyenma kélwáxok Wesse' egegkok, hakte méko xama enxoho aptémakxa m'a, megkamassegwomek han apkelásekhayo m'a énxet'ák Israel.” Apyókxoho énxet axta apkelwehéseyha apkelátsencha'a apkelpeykásawo m'a Wesse' egegkok, hakte cheynawók axta makham kélxátekháseykekxa m'a Wesse' egegkok tegma appagkanamap apagkok.

Salmos 52:1

¿Yaqsa ektéma apxéneykencha'a nak chá'a aptémakxa ekmaso, xép apyennaqteyásamákpoho nak chá'a? ¡Megkayaqmagkassemek ektémakxa m'a Dios segásekhayo!

Miqueas 7:20

¡Wesse', ná elwátessem ma'a ektémakxa nak mehegyenyaweykha, tén han segásekhayo apkeltennassama axta etnéssesek nanók axta m'a ẽlyapmeyk nano', cham'a Abraham tén han Jacob!

Salmos 107:15

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Deuteronomio 7:9

Kólya'asagkoho sa' Dios Wesse' kélagkok apteme Dios apmámnaqsoho apagko', apkelánéssamo nak chá'a meyke apyenseyam ekhémo mók nélpaqhetchásamáxkoho apagkok ma'a apyókxoho énxet ekweykekxoho m'a kaxwe apkektegéyak nak tén han ma'a peya nak elántépekxak makham egmonye', cham'a ektáha nak chá'a apchásekhayo, tén han apkelane nak chá'a m'a apkeltémókxa nak chá'a antéhek;

Salmos 146:6

apkelane nak néten, xapop, wátsam ekwányam, tén han ekyókxoho aqsok ekhéyak nak kañe'. Mepeynchámekxeyk appeywa m'a.

Salmos 25:8

Tásek aptémakxa m'a Wesse' egegkok, péwók nahan, elxekmósek chá'a m'a énxet'ák melya'assáxma nak,

Salmos 138:8

¡Elának sa' Wesse' egegkok ekxeyenmakxa axta apwáxok hetnéssesek! Wesse', megkamassegwomek xép segásekhayo; ¡ná eyensem aqsa mepenchesso m'a aqsok apkelane axta!