Salmos 100:3 - Biblia Enxet

³ Kólya'asagkoho Wesse' egegkok apteme Dios; cha'a senlane negko'o m'a, tén han apagkok; ¡negko'o nenteme énxet'ák apagkok, tén han nepkések apnaqtósso apkelleykha nak yókxexma apagkok!

Salmos 100:3 Referans Kwoze

Salmos 46:10

“¡Kólwatés kélnápomáxche'! Kólya'asagkoho sektáha ko'o Dios! ¡Ko'o sekteme néten agko' nepyeseksa m'a pók aptémakxa énxet'ák! ¡Ko'o sekteme néten agko' ekyókxoho keso náxop!”

Salmos 119:73

Xép apagko' axta sélane, tén han apkelane sekyókxa'; ¡hegkés ko'o sekya'áseyak aqsok, yaqwayam sa' héltamek ma'a apkeltémókxa nak xép antéhek!

Salmos 149:2

Israelitas, kalpayhekxa kélwáxok, kélteme nak énxet'ák Sión, hakte Dios apteme apkelane kéxegke, tén han Wesse' apwányam kélagkok.

Deuteronomio 4:39

“Nágkólwatéssem ekxéneykha kélwáxok Wesse' egegkok apteme Dios ma'a néten tén han keso náxop, méko pók aphawo enxoho m'a.

Deuteronomio 4:35

Cháxa apxekmóssama axta kéxegke Wesse' egegkok xa yaqwayam enxoho kólya'asagkohok apteme apmámnaqsoho Dios, méko pók aphawo enxoho.

Salmos 79:13

keñe sa' negko'o nenteme nak énxet'ák apagkok, nenteme nak nepkések apkelleykha yókxexma apagkok, agmések sa' chá'a ekxeyenma egwáxok xép, ¡agmeneykmássesek sa' chá'a negko'o negmeneykmasso, keso kaxwo' nak tén han megkatnégwayam néxa!

Salmos 78:52

Apkelántekkessegkek axta énxet'ák Israel, máxa axta apteméssessók ma'a nepkések kélnaqtóssol'a, apnaqleykekxeyk axta énxet'ák apagkok apkelyeykháseykekxo m'a yókxexma meykexa nak énxet.

Ezequiel 34:11

“Ektáhak ko'o sekpeywa s'e, sektáha nak Wesse': Ko'o ahagko' sa' atnehek séláneykha m'a nepkések seknaqtósso.

Jeremías 10:10

Wesse' egegkok apteme Dios apmámnaqsoho, Dios megyetsapma, Wesse' apwányam memassegwayam. Aplókek agkok ma'a, kayawheykha chá'a xapop; mopwanchek elenmaxakpohok aplo m'a pók aptémakxa énxet'ák.

Isaías 63:19

Máxa entemék metnama enxoho exchep Wesse' egegkok, máxa entemék mantéma enxoho énxet'ák apagkok.

Isaías 63:11

Xénwákxók axta apkelwáxok nanók agko' axta m'a, cham'a Moisés apkelwagkassama axta teyp ma'a énxet'ák apagkok, aptáhak axta chá'a apkelmaxneyáncha'a pók se'e: “¿Háxko aphakxa m'a Dios, apwagkassama axta teyp neyseksa wátsam Nilo m'a Moisés, apkeláneseykha axta chá'a m'a nepkések apnaqtósso? ¿Háxko aphakxa m'a apméssama axta espíritu aptaqmalma apagkok ma'a Moisés,

2 Reyes 19:19

Dios Wesse' egegkok, hẽlmallahanches negko'o neyseksa apmáheyo hẽlnápok ma'a asirios, yaqwayam sa' elya'asagkohok apyókxoho pók aptémakxa nak chá'a énxet'ák apheykha keso náxop, apteme exchep Wesse', wánxa xama Dios.”

Deuteronomio 7:9

Kólya'asagkoho sa' Dios Wesse' kélagkok apteme Dios apmámnaqsoho apagko', apkelánéssamo nak chá'a meyke apyenseyam ekhémo mók nélpaqhetchásamáxkoho apagkok ma'a apyókxoho énxet ekweykekxoho m'a kaxwe apkektegéyak nak tén han ma'a peya nak elántépekxak makham egmonye', cham'a ektáha nak chá'a apchásekhayo, tén han apkelane nak chá'a m'a apkeltémókxa nak chá'a antéhek;

Eclesiastés 12:1

Kaxén apwáxok ma'a aptáha axta exchep Apkelane, keso aptáhakxa nak makham apketkok, mewánxa nak makham ekhem ekyentaxnakxa negha; kammok sa' apyeyam yaqwayam etnehek appeywa s'e: “Mehepeykessáseykekxak ko'o ewáxok ektémakxa sekha.”

Salmos 95:3

Hakte Wesse' egegkok apteme Dios apwányam apagko', apteme Wesse' apwányam neyseksa m'a ekyókxoho aqsok ekha nak élmowancha'a.

Salmos 12:4

apteme nak chá'a elpaqmétek se'e: “Egwancha'ak negko'o nélpeywa yaqwayam hegwetaksek aqsok, hẽlwagkasek chá'a teyp nélpeywa. ¿Yaqsa awanchek negko'o hẽlxekmósagkok?”

Job 10:3

¿Táseya aptémakxa exchep setwáseykegkoho sektáhakxoho eykhe ko'o exchep apkelane? ¿Táseya aptémakxa sewanyeykencha'a, tén han ekleklamo chá'a apwáxok apkelányo ektémakxa aqsok apmáheyo elanagkok ma'a élmasagcha'a nak apkeltémakxa?

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Deuteronomio 32:6

¿keyaxa kélyaqmagkásekxo mók apteméssessamakxa Wesse' egegkok kéltéma xa ektáha nak? Énxet'ák élyeyhaxma meyke nak kélya'áseyak aqsok, ¿háweya kélyáp kéxegke m'a? ¿Háweya apkelane? ¡Axta apkelane kéxegke m'a tén han apmésso kélyennaqte!

Deuteronomio 32:15

“Apmelayak axta m'a Jesurún, apkeltekpageykha axta apmagkok xapop (apmelayók apagko' axta, apkelyenmomchek axta apmele), tén axta apyamasma m'a Dios, ektáha axta apkelane; aptaqnawágweykmek axta m'a apmasma nak chá'a tén han apwagkasso teyp.

1 Crónicas 16:14

“Cham'a apteme Dios Wesse' egagkok ma'a; ¡sawheykekxók han apteme Wesse' apwányam keso náxop!

Isaías 64:7

Méko eyke ekwóneykencha'a exchep, méko nahan ekwasqápeykekxoho enxoho yaqwayam keypetchegwakxak; cháxa keñamak senxegánegkessama nak negko'o exchep tén han segkexakhama eñama m'a nentémakxa élmasagcha'a.