Salmos 100:1 - Biblia Enxet

¹ ¡Kólmeneykmásses Wesse' egegkok, kélyókxoho kélheykha nak keso náxop yetlo ekpayheykekxa kélwáxok!

Salmos 100:1 Referans Kwoze

Salmos 98:4

Kólmeneykmásses Dios kélyókxoho kélheykha nak keso náxop yetlo ekpayheykekxa kélwáxok; kalpayhekxoho agko' kélwáxok, kólmeneykmásses negmeneykmasso.

Sofonías 3:14

¡Kólmeneykmés kélheykha nak tegma apwányam Sión! ¡Kólwónches ekpayheykekxa kélwáxok, énxet'ák Israel! ¡Énxet'ák Jerusalén, kalpayhekxa kélwáxok, kalpayhekxoho agko' kélwáxok!

Salmos 32:11

Kalpayhekxa kélwáxok eñama Wesse' egegkok, kéxegke éltaqmalma nak kéltémakxa, tén han ma'a meyke nak kéltémakxa, ¡kalpayhekxa kélwáxok, kólwónchesha kólátsaha!

Salmos 66:1

Kólmeneykmásses Dios, kélyókxoho kélheykha nak keso náxop yetlo ekpayheykekxa kélwáxok;

Deuteronomio 32:43

“¡Énxet'ák, kélheykha nak ekyókxoho apchókxa, kalpayhekxa kélwáxok xamo' ma'a Dios énxet'ák apagkok! ¡Sa' exnésseshok mók aptekyawa apkeláneykha m'a, exnésseshok sa' mók apteméssessamakxa m'a apkelenmexma nak, yásekhekxohok sa' ma'a apchókxa nak tén han ma'a énxet'ák apagkok!”

Salmos 145:1

Dios ahagkok, Wesse' apwányam ahagkok, axének sa' chá'a exchep apteme apwányam, axénmakha sa' chá'a ektaqmela apwesey meyke néxa.

Salmos 47:1

¡Kóltekpogmakha kélmék kélyókxoho kélheykha nak keso náxop! ¡Kólpeykesho Dios, yetlo kélwehéseykha kélátseykha!

Zacarías 14:9

Cháxa ekhem yaqwánxa sa' etnehek Wesse' apwányam Wesse' egegkok ekyókxoho keso náxop. Wánxa sa' nahan xama etnehek ma'a Wesse' egegkok, xama sa' nahan katnehek ma'a apwesey.

Salmos 67:4

Elwónchesek sa' elátsaha m'a apyókxoho pók aptémakxa nak énxet'ák, hakte apkelyekpelchémok chá'a exchep énxet'ák yetlo ekpéwomo aptémakxa; ¡apkeláneykha exchep ma'a pók aptémakxa nak énxet'ák keso náxop!

Salmos 66:4

apyókxoho énxet'ák apkelpeykásawók xép apheykha nak keso náxop, apkelmeneykmássessek han ma'a negmeneykmasso apkelxéna apwesey.”

Salmos 47:5

¡Apmeyákxeyk Dios Wesse' egegkok ma'a néten ekyetnamakxa nak aptaháno eyeymáxkoho, yetlo kélwehéseykha élpayheykekxa kélwáxok, tén han kélpáwasso kélaqkahasso!

Salmos 68:32

¡Kólmeneykmásses Dios kélheykha nak ekyókxoho apkelókxa keso náxop, kólmeneykmásses negmeneykmasso m'a Wesse' egegkok,