Salmos 10:8 - Biblia Enxet

⁸ Apkelyexanmeykha chá'a m'a neyáwa nak apheykegkaxa énxet'ák, elyexakpohok chá'a yaqhek ma'a énxet meyke nak aptémakxa. Meyenyókasek chá'a apaqtek elanha m'a énxet meyke nak ekmasma:

Salmos 10:8 Referans Kwoze

Habacuc 3:14

Yágke apagkok xép apmakta'ak apchaqha m'a wesse' apagkok apketamokmo axta yátnáxeg apkelchánte apagkok yetlo éleymáxkoho apkelwáxok aptáha m'a ektémól'a éxchahayam ekyennaqte, peya eykhe emasséssók meyke amya'a m'a apmopyóseka nak, tén han yexpánchesek.

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

1 Samuel 22:18

Tén axta wesse' apwányam aptáha apcháneya m'a Doeg, apteme axta edomita: —¡Elnáhap xép! Yetlókok axta han apketámeyak Doeg ma'a apkelmaxnéssesso nak Dios énxet'ák apagkok, ochenta y cinco énxet'ák axta han apkelnápak, apkelántaxneykekxa axta m'a apáwa efod, apkelánamap axta apáwa apkeláxñe.

Salmos 94:6

Apkelnapmeyk chá'a m'a xentampe'e nak, tén han ma'a apkeleñama nak chá'a mók nekha, apkelnapmeyk han chá'a m'a élyéheykha nak.

Salmos 17:11

hétlawha chá'a m'a sekmahágkaxa enxoho, héleyxek chá'a emáwhok heyaqnegkesek náxop.

2 Reyes 21:16

Háwe axta ekwánxa agkok apkelánéseykegko melya'assáxma Manasés ma'a énxet'ák Judá, tén han aqsok ekmaso apkelánéyak nápaqtók Wesse' egegkok. Apkelnapmeyk axta han apxámokma apagko' énxet meyke apkeltémakxa m'a Jerusalén, sawheykekxók axta éma apagkok ma'a kañe' nak.

1 Samuel 23:23

Kóltaqmelchesho sa' kéllányo m'a apmeyeykekxexa enxoho chá'a éxanmok, keñe sa' hélyo'ótak héltennássetak ekpayhókxa', keñe sa' alyetlakxak ko'o kéxegke. Naqsók sa' agkok apha m'a yókxexma nak, aktamok sa' ko'o nepyeseksa apyókxoho m'a Judá apnámakkok nak.

Jueces 9:25

Apheyáseykha axta han énxet'ák Siquem apkelmenyexmo nak chá'a m'a néten nak egkexe, apkelyexanmomchek axta chá'a m'a, elyementók axta chá'a aqsok apagkok apyókxoho ektáha nak chá'a apkelpéwomo m'a ámay nak. Apleg'ak axta han Abimélec xa.

Job 24:14

Amonye' élseye chá'a exatakhak ma'a ekyetno nak apyógkexma, yaqwayam yaqhek ma'a énxet meyke nak aqsok apagkok, keñe axta'a etnekxak chá'a apmenyexma.

Proverbios 24:15

Nágkaxén aqsa apwáxok ekmaso elának ma'a énxet meyke nak aptémakxa, ná ektamák enaqtawássesha aqsok apagkok ma'a apxagkok nak,