Salmos 10:3 - Biblia Enxet

³ Kaltaqmalmakha chá'a apkelpeywa elxénmakha élmámenyého apkelwáxok ma'a élmasagcha'a nak apkeltémakxa; elwanyaha eyke chá'a Wesse' egegkok ma'a apkelmopmenyého nak exámasagkok aqsok apagkok, exénmakha chá'a ekmaso.

Salmos 10:3 Referans Kwoze

Salmos 94:4

Megkalyexnegwayam apkelpeywa apyókxoho xa apkeláneykegkoho nak aqsok ekmaso; éleymáxkoho apkelwáxok, éleymáxkoho han ma'a apkelpeywa.

Isaías 37:23

¿Yaqsa axta énxet apkenmexeyncha'a cha'a tén han apwanyeyncha'a chá'a? ¿Yaqsa axta énxet apkelpáxegkáseyncha'a chá'a tén han megyésa chá'a apkelano yetlo eyeymáxkoho apwáxok? ¡Apkenmexáha axta exchep ma'a Dios Appagkanamap nak Israel!

Proverbios 28:4

Kaltaqmalmakha chá'a apkelpeywa elxének énxet'ák élmasagcha'a nak apkeltémakxa m'a apkelyetnakhasso nak chá'a segánamakxa; keñe m'a ektáha nak chá'a apkelyeheykekxoho m'a segánamakxa, eltaqnaweyha chá'a.

Salmos 49:6

Ekxámokma aqsok apagkok akke apkelásenneykekxak ma'a, elxénmakha chá'a ekxámokma aqsok apagkok,

Salmos 35:21

kalyenneyha chá'a apkelpeywa hénmexmakha, etnehek apkelpeywa s'e: “¡Kóllano ektáhakxa nak negweté!”

Salmos 5:6

emasséssamhok chá'a exchep ma'a énxet'ák apkelmopwancha'a nak amya'a, eltaqnaweygkohok chá'a exchep ma'a énxet'ák appelakkassesso nak chá'a esexnenak pók, tén han ma'a ekhéyak nak chá'a apkelyógkexma'.

Job 31:24

Magwáyok chá'a ko'o xama enxoho m'a sawo ekyátekto ekmomnáwa, yaqwayam enxoho hetaqmelchessesek sekha.

Deuteronomio 29:19

“Yának sa' chá'a kataqmelak agko' aptémakxa kélxama kéxegke natámen appenchesso sa' chá'a apkelháxenmo ekpeywa s'e segánamakxa nak, keñe sa' katnenek chá'a apwáxok se'e: ‘Tásek sa' chá'a katnehek ekteyapma m'a sélanakxa enxoho chá'a, alának sa' eykhe chá'a ko'o m'a sekmámenyého ahagko' nak chá'a alána'’, sa' etnehek apkelsexnenagko enaqtawasakpok apyókxoho énxet xa.

Éxodo 15:9

Keñe m'a ektáha axta sẽlenmexma ektáha élchetamso apwáxok se'e: ‘Agmenxenek sa' ekwokmo néltahanyékxo, agmelaskok sa' nahan ma'a aqsok nélyementaméyak enxoho, ekwokmoho élpayhékxo egwáxok. Ólhexyawasagkok sa' sawo élwenaqte egagkok, tén sa' egmék kamasséssók ma'a apyókxoho.’

Habacuc 2:9

¡Kéxegke la'aye, kéllánesso nak kélxanák ma'a aqsok kélmenyexéyak, yaqwayam enxoho katnehek meyke ektáhakxa kélheykha!

Jeremías 22:17

“Wánxa eyke aqsa chá'a exchep ekxéneykencha'a apwáxok ma'a apxámáseyak nak aqsok apagkok eñama apmenyexeykha; apkelnapmeyk chá'a m'a meyke nak apkeltémakxa, apnaqtawáseykegkok chá'a énxet'ák apagkok.”

Isaías 57:17

Énxet'ák Israel melya'assáxma axta eyke keñamak seklama ko'o yaqwatakxoho, éllegassáseykegkók axta ko'o m'a, éxakhamchek axta nahan; énmexeykekxeyk axta eyke ko'o m'a, apkelyeheykekxók axta m'a ektémakxa axta ekmámenyého apkelwáxok elanagkok.

Salmos 52:1

¿Yaqsa ektéma apxéneykencha'a nak chá'a aptémakxa ekmaso, xép apyennaqteyásamákpoho nak chá'a? ¡Megkayaqmagkassemek ektémakxa m'a Dios segásekhayo!

Salmos 49:18

Kapayhekxak sa' eykhe apwáxok neyseksa apha, kaltaqmalmakha chá'a apkelpeywa exének ma'a énxet'ák, eñama ekxámokma aqsok apagkok,

1 Samuel 23:21

Axta aptáhak apkeláneya Saúl se'e: —¡Dios sa' epasmok kéxegke eñama ektaqmeleykha kélwáxok séllányo ko'o!

Deuteronomio 32:19

Aplókek axta Dios apwet'a xa, apkeltaqnaweygkek axta m'a apketchek apkelennay'a tén han ma'a kelwán'ák nak;

Levítico 26:30

Amasséssók sa' ko'o m'a kélpeykessamókxa nak chá'a aqsok kéláyókxa, alpáxqátek sa' chá'a ko'o neyseksa m'a kélwatnamakxa nak chá'a aqsok ánek ekmátsa nak ekpaqneyam éten agkok; athanchásekxak sa' ko'o mók kélhapák kéxegke m'a néten nak kéleykmássesso kélagkok élyaqnenéyak, altaqnaweygkok ahagko' sa' ko'o kéxegke.

Jueces 17:2

aptáhak axta apcháneya egken se'e: —Ekleg'ak axta ko'o kélmenyexchesa mil cien sawok selyaqye aktek élmope, tén han ekyemnéncha'a m'a ektáha nak apmenyexma, ko'o ekmáha xa selyaqye nak. Ko'o axta ekmenyexchásak; almeyásekxak sa' eyke makham, hakte ekleg'ak xeyk ko'o ekxéna ekpagkanchesso Wesse' egegkok, yaqwayam kának kalanaxchek xama aqsok kéleykmássesso kélyepetchesso nak émpehek sawo ekmope ekmomnáwa. Apkelmeyásekxeyk axta makham ma'a selyaqye. Tén axta egken ektáha s'e: —¡Wesse' egegkok sa' epasmok, hatte seyásekhayo!

1 Reyes 20:25

exnéshok han sẽlpextétamo m'a apwánxa axta apmenxenákpo, tén han yátnáxeg tén han apkelyenyawasso nak. Keñe sa' ólnapaxchek ma'a ekpayhegweykenxa nak xapop, mehenxohok sa' han. Aphaxnawók axta han Ben-hadad kéltáhakxa axta kéláneya, aptemék axta han.

Eclesiastés 7:15

Ékeso sekweteya nak chá'a neyseksa sekweynchámeykha s'e, ektáha nak aqsok eyaqhémo agweta': emassegwomhok chá'a m'a énxet'ák élpéwomo nak apkeltémakxa, neyseksa apteme élpéwomo apkeltémakxa, keñe m'a énxet'ák élmasagcha'a nak apkeltémakxa, neyseksa eykhe apkeláneyak apkeltémakxa ekmaso, exmakha chá'a ekwenaqte agko'.