Salmos 10:13 - Biblia Enxet

¹³ Dios ahagkok, ¿yaqsa ektéma apwanyémo nak xép ma'a élmasagcha'a nak apkeltémakxa, apkenagkama exchep melxénchásekxók apkeltémakxa?

Salmos 10:13 Referans Kwoze

Salmos 74:18

Wesse', kaxénwakxoho apwáxok aplókassama exchep ma'a apkelenmexma nak, tén han apxéneykencha'a chá'a ekmaso m'a énxet'ák élyeyháxma nak.

Salmos 74:10

Oh Dios, ¿háxko sa' ekwánxa katnégwók néxa sẽlenmexeykha m'a sẽlenmexma nak? ¿Háxko sa' ekwánxa katnégwók néxa apxéneykha ekmaso exchep?

2 Crónicas 24:22

Axta kaxeyenmak apwáxok Joás ektémakxa axta meyenyaweykha chá'a m'a Joiadá, apyáp axta m'a Zacarías, apchaqhak axta m'a Zacarías, apketche axta m'a. Axta aptáhak appaqmeta amonye' apketsapma s'e: “¡Wesse' egegkok sa' étak se'e, eyaqmagkásekxak sa' han mók aptamhágkaxa!”

Números 11:20

Etawagkok sa' ápetek ekweykmoho xama pelten, ekwokmoho élánteyapwa'akto apwéhe'ék, tén han éltaqnawágwokmo apkelwáxok, hakte etaqnawágwokmek ko'o, sektáha nak Wesse' apagkok, sekha nak ko'o nepyeseksa, apkellekxagweyha nahan, aptáhak nahan chá'a apkelpaqméteyncha'a nahaqtók se'e: ¿Yaqsa kexa ektéma nélánteyapma nak Egipto?

Génesis 9:5

Añássesagkohok sa' ko'óxa m'a énxet apchaqhe nak chá'a pók, tén han aqsok nawhak eyaqhe nak chá'a énxet. Wának sa' chá'a emátog ma'a énxet apchaqhe nak chá'a pók.

Génesis 42:22

Aptáhak axta Rubén apkeláneya s'e: —Éltamhók axta eykhe ko'o megkólteméssessamok exma ekmaso m'a wokma'ák nak; axta eyke hélhaxnawok ko'o, óllegagkohok sa' negko'o kaxwók eñama ekyaqmageykekxa apketsapma m'a.

Deuteronomio 29:18

Nágkólho aqsa étek kélnepyeseksa kéxegke xama énxet, kelán'a, essenhan kélnámakkok tén han énxet'ák kélagkok, apyamasma sakhem ma'a Dios Wesse' egegkok eñama apkelpeykessamo m'a aqsok apcháyókxa nak xa énxet'ák nak. Kólxohok katnehek kéxegke m'a yámet egkepmenák ekmáskel'a tén han ma'a segwayól'a.

Job 24:12

Ellekxámog chá'a ketók apkeletsapmakxa nak ma'a tegma apwányam, elápentegmakha chá'a, meñék eyke Dios ma'a apkelmaxneyéyak.

Job 24:23

Apchahayók eyke aqsa chá'a Dios eweynchamha yetlo meyke ektáhakxa, apkeláneykha eyke chá'a m'a ektémakxa apkelweynchámeykha.