Salmos 1:1 - Biblia Enxet

¹ Apkeleñémo énxet melyeheykekxa nak apkeltémókxa etnehek ma'a énxet'ák élmasagcha'a nak apkeltémakxa, tén han métleykekxa nak apkeltémakxa m'a énxet'ák melya'assáxma nak, tén han mewháneykekxoho nak ma'a énxet'ák apwanyeykha nak chá'a Dios,

Salmos 1:1 Referans Kwoze

Proverbios 13:20

Epaxqaha m'a énxet'ák ekha nak apkelya'áseykegkoho aqsok, keñe sa' étak apya'ásegwayam aqsok; epaxqaha m'a élyeyháxma nak, keñe sa' etwasakpok.

Jeremías 15:17

Mapaxqeykha chá'a ko'o m'a énxet'ák élxéneykha nak chá'a apkelwáxok wánxa elátsaha; exakkók axta ko'o ekweynchámeykha eyeynamo m'a sekxók axta semoma exchep, hakte aplókassegkek axta ko'o exchep ewáxok.

Salmos 1:6

Wesse' egegkok aptaqmelchessesso ámay apagkok ma'a énxet'ák apkelpéwomo nak, keñe m'a ámay apagkok nak énxet'ák melya'assáxma, kalya'aksek sa' ma'a sẽlmassésseykemxa nak.

Proverbios 1:15

¡Hatte, ná elyetlow aqsa m'a énxet'ák nak! Ná etne m'a aptamheykegkaxa nak,

Salmos 34:8

Kólyepkeyn kólya'ásegwók Wesse' egegkok apteme ektaqmalma apwáxok. ¡Apkeleñémo énxet apye'eykekxa nak chá'a!

Salmos 112:1

¡Aleluya! Apkeleñémo énxet apcháyo nak chá'a Wesse' egegkok, ekpeykeseykekxoho nak chá'a apwáxok ma'a apkeltémókxa nak chá'a antéhek.

Salmos 36:4

Apyetneyk agkok chá'a néten apyetnamakxa, kaxének chá'a apwáxok elának aqsok ekmaso, yennaqtegkek aptémakxa ekmaso, mopmenyeyk elwataksek apkelane aqsok ekmaso.

Job 21:16

(Háwe eyke apagkok ektaqmalma nak apheykha m'a élmasagcha'a nak apkeltémakxa. ¡Megkalxegkáseykha ko'o katnehek élchetamso ewáxok ektémakxa nak ma'a!)

Génesis 49:6

¡Mómenyeyk ko'o axek ma'a apchaqneykekxexa nak chá'a! Hakte apkellókek axta agkok chá'a m'a, elnápok axta chá'a énxet'ák, elyaqténchesagkok axta chá'a áhak ayay'ák ma'a weyke kelennay'awo', hakte atsek axta chá'a etnahagkok xa ektáha nak.

Jeremías 17:7

“Tásek eyke chá'a katnehek apxénamap ma'a énxet seyáyo nak chá'a ko'o, seyásenneykekxa nak chá'a.

Proverbios 13:15

Yásekhakpohok chá'a m'a énxet apyekpelchémo nak chá'a aqsok, keñe m'a énxet'ák apkelpelakkassesso nak chá'a elsexnenak apnámakkok, elmahagkok chá'a m'a yaqwánxa nak elsexnenakpok.

Salmos 119:115

¡Kólántép sekhakxa, élmasagcha'a nak kéltémakxa! ekmakók ko'o alának ma'a apchánamakxa nak antéhek Dios ahagkok!

Salmos 106:3

Apkeleñémo énxet apkelane nak chá'a aqsok ekpéwomo, tén han apkelane nak chá'a ekpayhawo nak chá'a etnehek.

Salmos 26:12

Méko élyapwátéyak xapop ma'a sénmeykegkaxa, ¡apcheymákpoho sa' chá'a ko'o atnéssesek Wesse' egegkok nápaqta'awók ma'a énxet'ák apagkok!

Proverbios 2:12

sa' kamyók chá'a elának aptémakxa ekmaso m'a, nepyeseksa énxet'ák élmasagcha'a nak apkeltémakxa',

Salmos 81:12

Cháxa keñamak seyhayo aqsa apkeláneykegko m'a élxeyenmakxa nak chá'a apkelwáxok elanagkok, etnahagkok chá'a m'a apmakókxa enxoho chá'a etnahagkok.

Proverbios 4:19

Kayáqtéshok eyke exma ámay apagkok ma'a énxet'ák élmasagcha'a nak apkeltémakxa'; ¡melya'asagkehek chá'a m'a ektáha enxoho élpelápagkasso!

Proverbios 3:34

Ey'ássók chá'a Wesse' egegkok ma'a énxet'ák apkelya'ásseykmoho nak chá'a, kataqmalmakha eyke chá'a apwáxok elanok ma'a énxet'ák apkelmopyóseka nak.

Proverbios 9:12

Apya'áseykegkoho aqsok sa' agkok xép, sa' kapasmok xa; megkeyxnegwayam appeywa sa' agkok xép, apsexnánémap apagko' sa' etnehek.

Salmos 84:12

Wesse', ekha nak apyennaqte, ¡apkeleñémo apcháyo nak chá'a exchep!

Salmos 144:15

¡Apkeleñémo énxet'ák ekteme nak apheykha xa ektáha nak! ¡Apkeleñémo énxet'ák apteme nak Dios apagkok ma'a Wesse' egegkok!

Proverbios 1:22

“Wokma'ák megkólya'áseyak nak aqsok, megkólésso nak kóllektegmaha, tén han élyeyháxma nak. ¡Kólwátésák hana kéltémakxa kélteme meyke kélya'áseyak aqsok! ¡Kólwátésák ekmátsa nak kélya'ásseyam, nágkóltaqnow ma'a negya'áseyak nak!

Salmos 146:9

eltaqmelcheshok chá'a Wesse' egegkok ma'a énxet'ák apkeleñama nak mók nekha, epasmok chá'a m'a élyeyheykha nak, tén han xentampe'e nak, yetsagkasseshok eyke chá'a ámay apagkok ma'a élmasagcha'a nak apkeltémakxa.

Salmos 146:5

Apkeleñémo énxet appasmo nak chá'a m'a Jacob nak Dios apagkok, apkelhaxanma nak chá'a Wesse' Dios apagkok,

1 Reyes 16:31

axta yeyék apkeláneya m'a ektémakxa axta apkeláneya mey'assáxma m'a Jeroboam, Nabat axta apketche. Weykmok axta han apma aptéma aptáwa' m'a Jezabel, Et-baal axta apketche, wesse' apwányam axta m'a Sidón, tén axta apkelpeykessamo m'a Baal,

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”

Ezequiel 20:18

Tén axta apketchek séltamho melanagkehek chá'a m'a apkeltamhókxa enxoho chá'a elanagkok ma'a apyapmeyk, tén han metnahagkek chá'a m'a apkeltamhókxa enxoho chá'a etnahagkok, tén han melpeykesók chá'a m'a aqsok kéleykmássesso nak.

Proverbios 19:29

Penchásexcheyk yaqwayam kóllegássesagkohok ma'a megkalyexnegwayam nak chá'a apkelpeywa; keñe han yaqwayam kólyekpexchetagkok ma'a énxet'ák élyeyháxma nak.

Salmos 64:2

Hekpós ko'o apmonye'e m'a élmasagcha'a nak apkeltémakxa, cham'a apkelyexamakpoho nak chá'a apkeláneykekxa apkelpaqmeyesma yaqwánxa hetnéssesek; hemallahanches ko'o élxeyenmakxa nak chá'a apkelwáxok hetnéssesek ma'a élmasagcha'a nak apkeltémakxa,

Job 31:5

Naqsók eyke ko'o maláneya aqsok yetlo ekmaso élchetamso ewáxok, maltémók nahan alyexanchesha xama énxet.

Job 10:3

¿Táseya aptémakxa exchep setwáseykegkoho sektáhakxoho eykhe ko'o exchep apkelane? ¿Táseya aptémakxa sewanyeykencha'a, tén han ekleklamo chá'a apwáxok apkelányo ektémakxa aqsok apmáheyo elanagkok ma'a élmasagcha'a nak apkeltémakxa?

Génesis 5:24

Xama ekhem axta apxeganakmo Henoc, hakte Dios axta apyentamákxa', eñama apteme chá'a m'a ektémakxa axta apmopmenyého Dios.

2 Crónicas 22:3

Aptemegkek axta han Ocozías ma'a aptémakxa axta Ahab, tén han ma'a aptawán'ák neptámen, hakte asagkek axta ektémakxa élxekmósso m'a egken, asagkek axta aptémakxa nápaqtók Wesse' egegkok, eñama m'a apnámakkok nak Ahab aptawán'ák neptámen. Hakte axta apkelxekmowáseyak chá'a natámen axta apketsapma apyáp yaqwayam elának aqsok ekmaso agko'.

Deuteronomio 14:6

Kélwanchek kóltók ekyókxoho aqsok nawha'ák ektaqhésseykmoho nak chá'a ayespok ekto, énnayha nak chá'a neyseksa aphék, ánet nak chá'a aphék,