Rut 4:13 - Biblia Enxet

¹³ Apmeyk axta Booz ma'a Rut. Apyepetcha'ak axta nahan, keñe Wesse' egegkok apmésa yaqwayam katnehek lóso', tén han apmésa yaqwayam kótak étche.

Rut 4:13 Referans Kwoze

Génesis 33:5

Apkelanawók axta Esaú m'a kelán'ák, tén han ma'a sakcha'a, tén axta aptáha apkelmaxneyáncha'a s'e: —¿Yaqsa eyke xa apnaqlóncha'a nak? —Ko'o étchek, Dios axta sélmésso —axta aptáhak Jacob.

Génesis 29:31

Apweteyak axta Wesse' egegkok ekmasexto apchásekhayo Jacob ma'a Lía, tén axta apméssama yaqwayam kótak étchek, keñe axta Raquel apteméssessama megkate étche.

Rut 3:11

Nágkatneykha aqsa awáxok. Apkelya'ásegkók eyke kaxwók xeye' apyókxoho énxet'ák ahagkok ektáha kelán'a ektaqmalma ektémakxa. Atnehek sa' ko'o m'a ektáhakxa exchek seyáneya exche'.

Salmos 127:3

Wesse' egegkok sempasmo negko'o segméssama nak chá'a egketchek.

Salmos 113:9

Epeykessásekxak chá'a awáxok kelán'a megkate nak étchek egkések étche, tén han egkések chá'a axagkok agkok agko'. ¡Aleluya!

1 Samuel 2:5

énxet'ák apkelyaqkáneykmoho axta chá'a, aptegyágkek kaxwók apkeltamheykha yaqwayam elwetak ketsék aptéyak; keñe m'a élnápeykha axta chá'a meyk, massék kaxwók élnapma meyk. Keñe m'a kelán'a megkate axta étchek, siete aptáhak ekwete étchek; keñe m'a apxámokma axta chá'a ekwete étchek, méko kaxwók xama enxoho étchek.

1 Samuel 1:27

Élmaxnagkamchek axta ko'o Wesse' egegkok séltémo hegkések se'e sakcha'a nak, keñe segkéssama.

Rut 4:12

Wesse' egegkok sa' egkések ekxámokma agko' apketchek eñama xa kelán'a nak. Xámok agkók sa' katnehek apnámakkok, sa' kaxhok ma'a ekweykenxa axta apwete ma'a Fares, Judá axta apketche tén han Tamar.

Génesis 30:2

Aptaqnókkek axta eyke m'a Jacob, aptáhak axta apcháneya s'e: —¿Diosya ko'o? Neykhe megyahayo exche' kótak étchek ma'a.

Génesis 25:21

Megkate étche axta han ma'a Rebeca, keñe axta Isaac apkelmaxnéssessama Wesse' egegkok ma'a. Aplegayak axta han apkelmaxnagko Wesse' egegkok, keñe axta ektéma lóso' ma'a Rebeca.

Génesis 20:17

Apkelmaxnakkek axta Dios ma'a Abraham, keñe axta Dios apmeyásekxo makham apyennaqte m'a Abimélec tén han aptáwa'. Apkeltaqmelchessekmek axta han ma'a apkelásenneykha kelwán'ák, yaqwayam enxoho kalwetak étchek,