Rut 2:6 - Biblia Enxet

⁶ Apchátegmowágkokxeyk axta m'a apkemha apmonye': —Moab kelán'a xa, Noemí axta ekyetleykenta eñama m'a yókxexma Moab.

Rut 2:6 Referans Kwoze

Rut 1:22

Axta temék éxyékmo makham Noemí eñama m'a yókxexma Moab yetlo m'a Rut, atánegken ekteme axta Moab kelán'a. Chaqhémók axta nahan élweykto Belén ma'a ekhem eyeynamókxa axta chá'a apnakxamákpexa m'a hótáhap apaktek.

Rut 1:19

Tén axta élxega ánet ekwokmoho élwákxo m'a Belén. Xama axta élántaxnegwákxo m'a Belén, kelpelakkassek axta apkelwet'a m'a apyókxoho énxet, apyennegkessek axta exma apkelpaqmeta apkelwet'a. Keñe kelán'ák ektáha chá'a élpaqmeta s'e: —¿Háweya Noemí xa?

Rut 1:16

Tén axta Rut ektáha eyátegmowágkokxo s'e: —¡Nágkaltamho aqsa ayenyók xeye', tén han óxpánchesaxche'! Amhagkok sa' chá'a ko'óxa m'a ekmahágkaxa enxoho chá'a, axnamok sa' nahan chá'a m'a ekhámxa enxoho chá'a. Seyókxa sa' nahan atnehek ma'a eyókxa nak, Dios ahagkok sa' nahan atnehek ma'a Dios agkok nak xeye'.

Génesis 39:4

Cháxa eyásekhássessamo axta wesse' apagkok ma'a José, apteméssessek axta han appasmeykha aptamheykha, tén han apkemha apmonye' m'a apxagkok nak, apméssegkek axta yaqwayam eltaqmelchessesek ekyókxoho aqsok apagkok ekyetnakxa nak.

Génesis 24:2

Aptáhak axta apcháneya apkeláneykha, apteme axta nanók apkeláneykha, nepyeseksa m'a apkeláneykha nak, apkeláneseykha axta chá'a m'a ekyókxoho aqsok apagkok: —Epekken apmek kóneg éyók.

Génesis 15:2

Aptáhak axta apchátegmowágko Abram se'e: —Dios Wesse' ahagkok ¡Kaqhók eyke ko'o hegkések ma'a aqsok peya nak hegkések, hakte méko ko'o étchek! Séláneykha Eliézer, apkeñama nak Damasco, sa' elxewekxak ma'a ekyókxoho aqsok ahagkok nak, hakte mehegkéssók ko'o exchep xama hatte.

Rut 2:5

Tén axta Booz aptáha apkelmaxneyáncha'a m'a apkemha apmonye' axta chá'a apkelyaqténma hótáhap apaktek: —¿Yaqsa námakkok xa kelán'a étkok nak?

Rut 2:7

Élmaxnegwa'ék xeyk ko'o peya kaxog neptámen ma'a apkelyaqténma nak hótáhap ekmako nahan kánchásekxak ma'a hótáhap apaktek. Axto'ók agko' xeyk nahan eyeynawo ektamheyncha'a. Kaxwók agko' nahan hákxak éllókasa ekyampe yaqwatakxoho.