Proverbios 8:29 - Biblia Enxet

²⁹ apkeltémo axta megkatyephek chá'a yegmen wátsam ekwányam néxa nak chá'a ekyetnamakxa, appekkenchessama axta awhak ma'a xapop,

Proverbios 8:29 Referans Kwoze

Salmos 104:9

cham'a néxa axta apkeltémókxa megkamalláne', yaqwayam enxoho megkápekxók chá'a m'a xapop.

Jeremías 5:22

Ektáhak ko'o s'e, sektáha nak Wesse': ¿Yahélayék ko'o kéxegke? ¿Yagkólpexyennamák emonye' ko'o? Ekpekkenmeyk axta ko'o yagkamex néxa m'a wátsam ekwányam, néxa, megkamowána kayeykhak ma'a wátsam ekwányam. Kalnextog eykhe kayéhek ma'a élyaqyahayam agkok megkamallánek eyke kapáwak eykhe han awáxok, megkayeykhék eyke.

Salmos 104:5

Appekkenmeyk axta xapop néten ma'a awhak ekyennaqtéssamakxa nak, yaqwayam enxoho megkaltaqheykha m'a ekyetnamakxa nak.

Salmos 33:7

Xama ekyetnamakxa axta aptemessáseykekxak apchánchásseykekxo yegmen ma'a wátsam ekwányam ekmattawóneg agko' nak.

Job 26:10

appekkenmeyk axta néxa wátsam ekwányam apkexpánchessama élseyéxma tén han ekyáqtésso exma.

Proverbios 8:28

cham'a apkelánéssama axta ektémakxa ekhéyak yaphope m'a néten, keñe han apmeykessessama axta ekteyapmakxa yegmen ma'a wátsam ekwányam ekmattawóneg nak,

Salmos 136:5

Apkelane nak néten, yetlo apya'áseykegkoho, hakte megkamassegwomek chá'a segásekhayo.

Proverbios 3:19

Yetlo apya'áseykegkoho aqsok axta apkeláneya Wesse' egegkok ma'a néten, apmopwána aqsok axta han keñamak apkeláneya náxop;