Proverbios 8:13 - Biblia Enxet

¹³ Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Proverbios 8:13 Referans Kwoze

Proverbios 16:6

Kólmasseksohok chá'a nentémakxa magya'assáxma m'a negásekha'awo enxoho Wesse' egegkok yetlo magyenyaweykha; nentemék agkok negáyo Wesse' egegkok, cháxa negyenyékxo aqsok ekmaso xa.

Salmos 97:10

Yásekhohok Wesse' egegkok ma'a aptaqnagko nak aqsok ekmaso; emyók han chá'a m'a melyenseyam nak chá'a apkelyetleykha; megyohok chá'a emok ma'a élmasagcha'a nak apkeltémakxa.

1 Samuel 2:3

Méko sa' keyxkohok ekpeywa kapaqmeyesmakha, méko sa' kapaqmeyesmakha kaxénaxchekxohok agko', hakte Wesse' egegkok apteme Dios apya'áseykegkoho ekyókxoho aqsok, cha'a apkelyetsátéyak chá'a aqsok apkelane nak énxet tén han apkelyekpelchémo.

Proverbios 4:24

Ná exén chá'a aqsok megkamámnaqsoho nak; étnakhés ma'a ektémakxa nak negmowána amya'a.

Amós 5:15

¡Kóltaqnow aqsok ekmaso! ¡Kólásekhoho m'a aqsok ektaqmela! Kólána kalanaxchek ekpéwomo kéllánekxésso amya'a énxet'ák ma'a sẽlyekpelchémókxa nak; lapmaxcheyk sa' kexa kalepyóshok elanok Wesse' egegkok, Dios ekha nak apyennaqte énxet'ák Israel apkeleymomap nak ektáha enxoho xa ektáha nak.

Salmos 119:128

Cháxa keñamak seyhayo nak hepékessesagkok ma'a apchánamakxa nak antéhek, ataqnawhok ko'o ekyókxoho m'a nentémakxa megkamámnaqsoho nak.

Proverbios 16:18

Nentawásamáxche xegeykmok natámen ma'a eyeymáxkoho nak chá'a egwáxok; nentéyam chá'a kaxegmak natámen ma'a magésso nak ageyxkoho'.

Proverbios 6:12

Etekkesha chá'a apmopwána amya'a m'a énxet ekmaso nak aptémakxa', tén han ma'a énxet ekyeyháxma nak;

Zacarías 8:17

nágkólteméssessamho chá'a exma ekmaso kélmók, nágkólmes nahan chá'a kélpeywa kélmowána amya'a. Hakte megkalchek ko'o ewáxok ekyókxoho xa ektéma nak. Ko'o sekxeyenma xa, sektáha nak Wesse'.”

Salmos 138:6

Netnók eykhe aphakxa m'a Wesse' egegkok, étak eyke chá'a m'a énxet megkeymáxkoho nak apwáxok, makhawók chá'a ékpelkohok ma'a apcheymákpoho nak.

Salmos 101:3

magwohok sa' ko'o keytek nahaqtók xama aqsok ekmaso. Altaqnaweygkohok chá'a ko'o m'a apkelyenseyam nak chá'a apkelyetleykha Dios; ¡magwohók sa' chá'a hépetchegwohok xama enxoho!

Proverbios 10:31

Negya'áseykegkoho aqsok chá'a katyapok appeywa m'a énxet ekpéwomo nak aptémakxa', keñe m'a énxet ekmaso nak aptémakxa, kólyaqténchesek sa' apaxkok.

Salmos 119:104

Apchánamakxa antéhek keñamak sekweteya ko'o sekya'áseyak; cháxa keñamak sektaqnagkama nak ekyókxoho m'a nentémakxa megkamámnaqsoho nak.

Job 1:1

Aphegkek axta xama énxet ma'a yókxexma Us apwesey axta Job. Péwók axta aptémakxa, méko axta aqsok ekmaso apkelane, apteme axta meyenyaweykha apkeláneykha m'a Dios, apkeláneykegkoho aptémakxa yaqwayam melanyehek xama aqsok ekmaso.

Proverbios 3:7

Ná exénmakha apteme apmopwána apagko' aqsok; etne apcháyo Wesse' egegkok, étnakhés ma'a aqsok ekmaso.

Proverbios 15:9

Etaqnawhok Wesse' egegkok apkeltémakxa nak ma'a énxet'ák élmasagcha'a nak apkeltémakxa', yásekhohok eyke m'a énxet apkelane nak ekpéwomo aptémakxa'.

Isaías 13:11

Aptáhak Wesse' egegkok se'e: “Allegássesagkohok sa' ko'o apyókxoho énxet'ák eñama apkeltémakxa élmasagcha'a, keñe sa' ma'a énxet'ák élmasagcha'a agko' nak apkeltémakxa allegássesagkohok eñama m'a apkelánéyák aqsok ekmaso agko'. Amasséssessók sa' ko'o ektémakxa nak éleymáxkoho apkelwáxok ma'a énxet'ák apkeleymákpoho nak, mékoho sa' ko'o atnessásekxak ma'a megyésso nak eleykpoho tén han ma'a megkalyexnegwayam nak chá'a apkelpeywa elwanyaha apnámakkok.

Éxodo 1:17

Maxta eyke katneheykegkok apkeltémókxa axta chá'a katnahagkok wesse' Egipto xa kelán'ák nak, hakte keláyak axta m'a Dios, chahayók axta aqsa chá'a aptéyeykmo m'a sakcha'a apkenna nak.

Job 28:28

Keñe axta Dios aptáha apkeláneya énxet'ák: “Nágkólyensem chá'a kélyetleykha Wesse' egegkok: cháxa negya'áseykegkoho aqsok xa; negyamasma aqsok ekmaso: cháxa ekha negmowána aqsok xa.”

Proverbios 16:5

Eltaqnaweygkohok Wesse' egegkok ma'a énxet'ák éleymáxkoho nak chá'a apkelwáxok; naqsók sa' kóllegássesagkohok xa énxet'ák nak.

Amós 6:8

Naqsók aptáha appeywa Wesse' egegkok, Dios ekha nak apyennaqte s'e: “Altaqnawhok ko'o m'a éleymáxkoho nak apkelwáxok Jacob énxet'ák apagkok; megkalchek agko' ewáxok ma'a kelwesse'e apxanák apkelyawe nak; agkések sa' ko'o tegma apwányam ma'a apkelenmexma nak, yetlo m'a ekyókxoho aqsok ekhéyak nak ma'a kañe'.”