Proverbios 6:33 - Biblia Enxet

³³ Ematñaha sa', kólyamatchesha sa' nahan etaqnaweykpok, megkólmasséssesek sa' apmegqakto.

Proverbios 6:33 Referans Kwoze

Salmos 51:8

Hegkeyásekxa makham ekpayheykekxa agko' ewáxok, tén han ekmátsa, hepeykessásekxa makham ewáxok, neyseksa eykhe seyaqhakkassáseykha ewáxok tén han seháxésso.

Salmos 51:1

Oh Dios, yepyósho ko'o hélano', eñama m'a aptémakxa nak chá'a segásekhayo, hemassésses ko'o may'assáxma, eñama m'a aptémakxa nak chá'a apmopyósa henlano'.

Nehemías 13:26

“¡Cháxa ektéma axta han apkeláneya mey'assáxma Salomón xa ektéma nak, wesse' apwányam axta m'a Israel! Méko axta eykhe xama wesse' apwányam nepyeseksa m'a pók aptémakxa énxet'ák aphawo nak xa, tén han apchásekhayo m'a Dios; tén han apteméssessama wesse' apwányam ma'a ekyókxoho nak Israel, kelánessegkek axta eyke mey'assáxma m'a kelán'a megkatnaha nak appeywomo xamo'.

1 Reyes 15:5

hakte apkeláneyak axta chá'a David ma'a aqsok ekleklamókxa nak apwáxok Wesse' egegkok, axta eyenseykmok xama enxoho, neyseksa apha m'a apkeltémókxa axta chá'a etnehek Wesse' egegkok, wánxa m'a apteméssessamakxa axta Urías, apteme axta hitita.

Génesis 49:4

Kamaskok sa' eyke apteme apmonye', hakte aphawók xép ma'a yegmen ényé megkólmowána nak kólmagkok: hakte aptawáseykha axta exchep sekyetnamakxa néten, appatheteykegko m'a kelán'a sekmeykha naqsa axta.

Proverbios 6:32

¡Meyke ekxeyenma apwáxok aqsok ma'a énxet apkelánesso nak pók aptáwa'! ¡Apsexnánémap apagko' etnehek énxet apteme enxoho xa ektáha nak!

Proverbios 6:34

Hakte máxa táxa aplo m'a énxet apkelmeyeykha nak chá'a aptáwa', megkapyósegwomek elanok pók ma'a apyaqmagkásekxo enxoho mók apteméssessamakxa';