Proverbios 6:14 - Biblia Enxet

¹⁴ asagkek ma'a ektémakxa apwáxok, wánxa aqsa kaxének apwáxok elának ma'a aqsok ekmaso nak, etekkessók chá'a éllámáxche m'a apmahágkaxa enxoho.

Proverbios 6:14 Referans Kwoze

Miqueas 2:1

¡Énxet'ák la'aye, élxéneykha nak apkelwáxok elanagkok aqsok ekmaso neyseksa aphéyak apkelyetnamakxa néten, kelsakak agkok, elanagkok chá'a m'a élxeyenma nak apkelwáxok elanagkok, hakte yetneyk apmopwancha'a elanagkok!

Oseas 8:7

Apkeneykekxeyk éxchahayam ma'a, éxchahayam ekyennaqte agko' sa' han enakxagkok; méko sa' aqsok elyaqtennagkok ma'a namyep apagkok nak, méko sa' nahan yaqwayam elanagkok hótáhap ma'a apyexna nak; apkelánegkek sa' agkok ma'a hótáhap nak, pók énxet'ák sa' etawagkok.

Ezequiel 11:2

Aptáhak axta seyáneya Wesse' egegkok se'e: “Keso apkeláneykegkokxo nak chá'a aptamhágkaxa yaqwayam elanagkok aqsok ekmaso agko' se'e tén han apkeláneykekxo nak chá'a apkelpaqmeyesma ekmaso m'a tegma apwányam.

Isaías 57:20

Máxa eyke wátsam ekwányam ekyéhál'a yegmen ma'a énxet'ák élmasagcha'a nak apkeltémakxa megkamowánal'a kalánekxak ekyetno, élnextegkessamól'a yelpa' m'a élyaqyahayam agkok tén han ekmanyása.

Isaías 32:7

Keñe m'a énxet apmopwána nak elyexanchesha pók yásenneykxak chá'a m'a ektémakxa nak apmopwána apteme apmopwána amya'a, elánekxak chá'a yaqwánxa etnehek elának ma'a aqsok ekmaso agko' nak; apmopwána amya'a chá'a etnehek etwássesha apheykha m'a énxet'ák meyke nak aqsok apagkok tén han ma'a ekha nak chá'a eyeyméxchexa aqsok ma'a apxanák apkeltémo nak chá'a kóltaqmelchessásekxak apheykha.

Proverbios 22:8

Énxet aptekkesso nak aqsok ekmaso, kápekxak sa' aqsok ekmaso aptekkesso; ¡Emasséssók sa' Wesse' egegkok yetlo aplómo apagko'!

Proverbios 21:8

Háwe ekpéwomo m'a apkeltémakxa nak chá'a énxet'ák élmasagcha'a nak aptémakxa'; tásek eyke chá'a katnehek aqsok apkelane m'a énxet meyke nak aptémakxa'.

Proverbios 3:29

Ná elána chá'a aqsok ekmaso énmexma m'a apheykha nak chá'a keto' apxagkok, megkalxeyenma nak chá'a apkelwáxok elának aqsok ekmaso exchep.

Proverbios 2:14

cham'a ekmátsa nak elanagkok aqsok ekmaso keñe han eyaqheykha nak chá'a apkelwáxok ma'a apkeltémakxa ekmaso,

Salmos 36:4

Apyetneyk agkok chá'a néten apyetnamakxa, kaxének chá'a apwáxok elának aqsok ekmaso, yennaqtegkek aptémakxa ekmaso, mopmenyeyk elwataksek apkelane aqsok ekmaso.

Salmos 140:2

cham'a apkeláneykekxa nak chá'a aptáhakxa yaqwayam elanagkok aqsok ekmaso, aptekkesso nak chá'a éllámaxche' yókxoho ekhem.

Proverbios 16:27

Énxet ekmaso nak aptémakxa, cham'a ekyetnamakxa m'a ekmaso nak nentémakxa'; ¡máxa táxa eyáléwe m'a appeywa nak!

Proverbios 17:20

Magwetyehek xama aqsok ektaqmela m'a ekmaso nak egwáxok; asagkek sa' katnehek ektáhakxa m'a apkelmopwancha'a amya'a nak.

Proverbios 24:8

Énxet ekxéneykha nak apwáxok wánxa elának aqsok ekmaso, exénakpok chá'a apteme énxet aptekkesso chá'a apkelenmexamap ma'a apnámakkok.

Salmos 140:3

Ahamtakcha'ak apaxkok ma'a, máxa yéwa; máxa yéwa ekmáske hentakxek ma'a apkelpeywa nak.

Proverbios 3:32

hakte eltaqnaweygkohok apagko' Wesse' egegkok ma'a énxet'ák élmasagcha'a nak apkeltémakxa', keñe m'a énxet'ák éltaqmalma nak apkeltémakxa', eltennaksohok chá'a yaqwánxa etnehek.

Proverbios 14:22

Elxegánegwók chá'a ámay apagkok ma'a énxet'ák apmáheyo nak chá'a elanagkok aqsok ekmaso; keñe m'a énxet apmáheyo nak chá'a elának aqsok ektaqmela, yásekhakpohok chá'a, kólpasmaha han.