Proverbios 6:12 - Biblia Enxet

¹² Etekkesha chá'a apmopwána amya'a m'a énxet ekmaso nak aptémakxa', tén han ma'a énxet ekyeyháxma nak;

Proverbios 6:12 Referans Kwoze

Proverbios 16:27

Énxet ekmaso nak aptémakxa, cham'a ekyetnamakxa m'a ekmaso nak nentémakxa'; ¡máxa táxa eyáléwe m'a appeywa nak!

Proverbios 4:24

Ná exén chá'a aqsok megkamámnaqsoho nak; étnakhés ma'a ektémakxa nak negmowána amya'a.

Proverbios 17:4

Yeyxhok chá'a appeywa ekmaso énxet ma'a ekyeyháxma nak, keñe m'a apmopwancha'a nak chá'a amya'a, yeyxhok chá'a apkelpaqméteykha m'a apkelxéneykha nak apnámakkok ekmaso.

Proverbios 8:13

Negáyo Wesse' egegkok, nenteme nentaqnagko aqsok ekmaso. Ataqnawhok ko'o m'a eyeymáxkoho nak egwáxok tén han magésso nak ageyxkoho', ekmaso nentémakxa tén han negmowána amya'a.

Salmos 59:7

Katyapok chá'a apkelpeywa ekmaso, máxa sókwenaqte sempexyekhayól'a m'a apkelpeywa, yának chá'a megkañáxchek apkelpeywa.

Proverbios 11:6

Apkeltémakxa ekpéwomo eyke chá'a kalwagkasek teyp ma'a énxet'ák élpéwomo nak apkeltémakxa', étsapeykha apnénya'ák eyke chá'a kalsexnenak ma'a énxet apmáheyo nak chá'a elsexnenak apnámakkok.

Proverbios 6:14

asagkek ma'a ektémakxa apwáxok, wánxa aqsa kaxének apwáxok elának ma'a aqsok ekmaso nak, etekkessók chá'a éllámáxche m'a apmahágkaxa enxoho.

Proverbios 2:12

sa' kamyók chá'a elának aptémakxa ekmaso m'a, nepyeseksa énxet'ák élmasagcha'a nak apkeltémakxa',

Salmos 36:3

Asagkók chá'a katnehek appeywa, apmopwána amya'a han, massegkek apya'áseyak exma, apkelwátessegkek apkelane aqsok ektaqmela.

Salmos 10:7

Kelánexkók ekmaso m'a ektémakxa nak apkelpeywa, apkelmopwancha'a amya'a, apkelyemneykha apnámakkok; apkelpóssegkek chá'a apkelpeywa apmáheyo enaqtawasagkohok apnámakkok, tén han elanagkok aqsok ekmaso.

Salmos 10:3

Kaltaqmalmakha chá'a apkelpeywa elxénmakha élmámenyého apkelwáxok ma'a élmasagcha'a nak apkeltémakxa; elwanyaha eyke chá'a Wesse' egegkok ma'a apkelmopmenyého nak exámasagkok aqsok apagkok, exénmakha chá'a ekmaso.

Jeremías 24:2

Keltásek agko' axta nahan higo ekyexna m'a xama nak hówenaq apxagkok, élmakhetma nak chá'a amonye', keñe axta m'a mók nak hówenaq apxagkok asagcha'awók agko' axta, megkólwanchek axta kóltók.

1 Samuel 17:28

Keñe axta Eliab, apepma átnaha apketkok axta m'a David, aplege axta apkelpaqhetchesso m'a énxet'ák, aptaqnókók apagko' axta, aptáhak axta apcháneya s'e: —¿Yaqsa aptegyágwa'a apmeyókmo s'e? ¿Yaqsa apnegkenchásekxo yaqwayam kalanha m'a nepkések apqántawo apkellóncha'a nak yókxexma meykexa énxet? Ekya'ásegkók ko'o exchep apxegakmo apmako elanha kempakhakma.

Proverbios 10:32

Exének chá'a aqsok ekleklamókxa nak egwáxok ma'a énxet ekpéwomo nak aptémakxa'; keñe m'a énxet ekmaso nak aptémakxa, wánxa aqsa exének ma'a aqsok ekmaso nak.

Salmos 101:3

magwohok sa' ko'o keytek nahaqtók xama aqsok ekmaso. Altaqnaweygkohok chá'a ko'o m'a apkelyenseyam nak chá'a apkelyetleykha Dios; ¡magwohók sa' chá'a hépetchegwohok xama enxoho!

Proverbios 3:32

hakte eltaqnaweygkohok apagko' Wesse' egegkok ma'a énxet'ák élmasagcha'a nak apkeltémakxa', keñe m'a énxet'ák éltaqmalma nak apkeltémakxa', eltennaksohok chá'a yaqwánxa etnehek.

Proverbios 16:30

Enaqtenchesha chá'a apaqta'ák ma'a énxet'ák élxeyenma nak chá'a apkelwáxok elanagkok aqsok ekmaso; elmagkok chá'a apatña'ák ma'a appenchásegko enxoho apkeláneyak aqsok.