Proverbios 4:4 - Biblia Enxet

⁴ axta etnehek chá'a hélxekmósagkok táta s'e: “Epekken apwáxok se'e sekpeywa nak; elána m'a séltamhókxa enxoho chá'a elána', keñe sa' kawegqohok apha.

Proverbios 4:4 Referans Kwoze

Proverbios 3:1

Hatte, nágkalwánaqmágwom aqsa m'a ektémakxa nak sélxekmowáseyak; epekken apwáxok ma'a segánamakxa ahagkok nak,

Proverbios 7:2

Elyahakxoho m'a séltémókxa nak etnehek tén han ma'a nélxekmowásamáxche ahagkok nak; Emyow sa', ektémól'a agmeyók ma'a aqsok negmasmakxa egagko' nak, keñe sa' kawegqohok makham apweynchámeykha.

1 Crónicas 28:9

Keñe sa' xép, hatte Salomón, ey'asagkoho sa' Dios apagkok nak apyáp, elána' sa' chá'a ekweykmoho kañók agko' apwáxok ma'a apkeltémókxa nak etnehek, tén han yetlo ekmáheyo apwáxok, hakte elanok chá'a Wesse' egegkok ma'a ektémakxa nak egwáxok, ékpelkohok han ma'a ektáhakxa enxoho chá'a ekmámenyého egwáxok, tén han élchetamso egwáxok. Apketamchek sa' agkok chá'a exchep ma'a, megkatnehek sa' chá'a méteyeykekxa'; apyenyókek sa' agkok xép ma'a, eyenyók sa' megkatnégwayam néxa m'a.

Deuteronomio 6:6

“Kólpekken kélwáxok ekyókxoho m'a aqsok séltennasa exchek sakhem,

Isaías 55:3

Hélyo'óta ko'o, kóleyxwatámho sekpeywa, kóleyxho sektáhakxa keñe sa' megkóletsepek chá'a. Alának sa' ko'o ekhémo mók sélpaqhetchásamáxkoho kéxegke meyke néxa, yaqwayam sa' alának ma'a séltennassama axta alának ma'a David eñama seyásekhayo.

Proverbios 22:6

Elxekmós aptémakxa ektaqmela sakcha'a aptáhakxa nak makham ketchetse', keñe sa' ma'a aptáha enxoho apwányamo, megkalwánaqmék chá'a.

Salmos 119:11

Ekpekkenmeyk ko'o ewáxok ma'a appeywa nak xép, yaqwayam enxoho malanyek may'assáxma nápaqto' xép.

Deuteronomio 4:9

Nágkalwagqamák chá'a m'a aqsok kélwete nak, nágkólyensem chá'a xama enxoho ekxéneykha kélwáxok; kóltennasha chá'a m'a kélketchek tén han ma'a kéltawán'ák.

Génesis 18:19

Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Salmos 119:168

Élyaheykekxók ko'o m'a apchánamakxa nak antéhek; ¡apya'ásegkok xép ekyókxoho sektémakxa!

Proverbios 23:26

Hatte, etaqmelchesho chá'a apháxenmo ekyókxoho sektáhakxa enxoho chá'a sekpeywa ko'o, kalkoho apwáxok se'e sektémakxa nak ko'o;

Jueces 13:12

Tén axta aptáha Manoa s'e: —Temék sa' agkok ma'a aptáhakxa nak xép segáneya, ¿háxko sa' anteméssesek negko'o negwánegkesso m'a sakcha'a? ¿Háxko sa' anteméssesek ma'a?

Salmos 119:144

Megkatnégwomek chá'a néxa ekteme élpéwomo m'a apchánamakxa nak antéhek; ¡hegkés sekya'áseyak, keñe sa' aweynchamha makham!

Proverbios 3:2

keñe sa' kawegqohok chá'a apweynchámeykha yetlo ektaqmalma apha.

Jeremías 38:20

Aptáhak axta Jeremías apchátegmowágkokxo s'e: —Wesse', memhehek sa' eyke exchep ma'a. Elyahakxoho Wesse' egegkok appeywa, séltennasa exchek xép wesse', keñe sa' tásek katnehek apha, ewagkasakpok sa' teyp.