Proverbios 4:18 - Biblia Enxet

¹⁸ Máxa kaxwe ekteyapma ekhem élsassóxmal'a ámay apagkok ma'a énxet'ák élpéwomo nak apkeltémakxa': kataqmelchesagkohok aqsa kalsaksek exma, ekwokmoho m'a ekyennaqwokmo élsassóxma.

Proverbios 4:18 Referans Kwoze

Job 11:17

Kataqmelekxohok agko' sa' apweynchámeykha, kayeykhágwomhok sa' ma'a ekwánxal'a éltátchesso mayáhat yetseksók ekhem; kayáqtéshok sa' eykhe exma', máxa sa' eyke katnehek ma'a élseyél'a axto'o.

Daniel 12:3

Máxa aqsok élápogwátéyak néten sa' etnahagkok elápogwátek ma'a apkelyekpelchémo nak aqsok, apnaqlo axta chá'a ámay ekpéwomo m'a apxámokma énxet; ¡elápogwátek sa' meyke néxa, aptémól'a yaw'a!

Salmos 84:7

kántagkok sa' aqsa apkelyennaqte neyseksa apkelxega, elwetágwók sa' Dios meyke ekhémo m'a Sión.

Isaías 26:7

Péwók ámay apagkok ma'a énxet'ák apkelpéwomo nak; Wesse', xép apteméssesso meyke élyapwátéyak ma'a ámay apagkok nak.

2 Samuel 23:4

exhok sa' ma'a ektémól'a katyapok ekhem axto'o, máxa sa' etnehek ma'a ekhem éltátchesso meykel'a yaphope, ektaqmelcháseykekxal'a pa'at natámen ekmámeye.’

Oseas 6:3

¡Ólwasqápekxohok hana agya'ásegwók Wesse' egegkok! Hegyo'ótak sa' negko'o Wesse' egegkok, ektémól'a katyapok ekhem, ektémól'a kamme' kayássesek xapop, ekmáxaqxamakxal'a exma, tén han élyapweykxal'a yenta'a.

Job 23:10

Apya'ásegkok ekyókxoho ektémakxa sekxega ko'o m'a; apkelanawók agkok sektémakxa, étak sa' eyáxña'awo agko' sektémakxa ektémól'a sawo ekyátekto ekmomnáwa.

Job 17:9

Elxének chá'a aptamhéyak ekpéwomo apkeltémakxa, tén han melánéyak aqsok ekmaso.

Salmos 97:11

Kalsássesek chá'a élseyéxma m'a énxet ektaqmalma nak aptémakxa; keñe chá'a ekpayheykekxa egwáxok ma'a énxet'ák meyke nak apkeltémakxa.

Proverbios 2:9

Ey'ásegwók sa' ma'a ekpayhawo nak antéhek tén han ma'a aqsok ekpéwomo nak, elának sa' nahan ma'a ekyókxoho aqsok éltaqmela nak,

Proverbios 2:20

Étlow xép ámay apagkok ma'a énxet'ák éltaqmalma nak apkeltémakxa, etne m'a apkeltémakxa nak énxet'ák élpéwomo nak apkeltémakxa'.

Proverbios 13:9

Máxa cháléwasso eyápogwate etnahagkok ma'a énxet'ák élpéwomo nak apkeltémakxa'; máxa eyke cháléwasso eksapane agko' la'a etnahagkok ma'a énxet'ák melya'assáxma nak.

Proverbios 15:24

Néten maheykegkok ma'a ámay ekyennaqte nak egnények, kawagkasek chá'a teyp emáwhok emhagkok nétsapmakxa m'a énxet apya'áseykegkoho nak aqsok.

Jueces 5:31

“¡Wesse', sa' kóltéhek kólmasséssók apyókxoho apkelenmexma xa, elyenmok sa' ma'a apchásekhayo nak chá'a, ektémól'a ekhem kalsaksek exma kaltátchesek!” Keñe axta ektéma meyke ektáhakxa apheykha énxet'ák natámen xa, ekweykmoho cuarenta apyeyam.